سعودی عرب میں والد کے انتقال کی خبر سن کر بڑا بیٹا دل کا دورہ پڑنے سے جاں بحق ہوگیا۔
سعودی شہری شیخ فلاح الشمری کا بڑا بیٹا والد کے انتقال کا صدمہ برداشت نہ کر سکا اور خالق حقیقی سے جا ملا۔
حائل شہر کے رہائشی شیخ فلاح الشمری چند روز قبل ٹریفک حادثے میں شدید زخمی ہوگئے تھے اور زندگی اور موت کی کشمکش میں مبتلا تھے۔
والد کی تشویشناک حالت پر بیٹے نے سوشل میڈیا پر دعائے صحت کی اپیل کرتے ہوئے کہا کہ اے میرے پروردگار میرے والد کو جلد شفا عطا فرما۔
اسپتال میں زیر علاج رہنے کے بعد منگل کے روز شیخ فلاح الشمری انتقال کر گئے، ان کی موت کی خبر سن کر بیٹے کو دل کا دورہ پڑا جو جان لیوا ثابت ہوا۔
نمازِ ظہر کے بعد والد کی تدفین کی گئی اور نمازِ عصر کے بعد بیٹے کا نمازِ جنازہ ادا کیا گیا۔ باپ بیٹے کی رحلت پر اہلِ علاقہ غمگین ہیں اور علاقے میں سوگ کا سماں ہے۔
Comments
- Advertisement -
