The news is by your side.

Advertisement

طاہر القادری کی دہشت گردی کے خلاف کاوشیں قابل تعریف ہیں، کنگ عبداللہ

اردن: کنگ عبداللہ نے کہا ہے کہ خودکش دھماکوں کی مخالفت کے حوالے سے پاکستان عوامی تحریک کے سربراہ علامہ طاہر القادری اور اُن کی کاوشیں قابلِ ستائش ہیں۔

تحریک منہاج القرآن کے سربراہ علامہ طاہر القادری نے اردن کے بادشاہ شاہ عبداللہ سے ملاقات کی، اس دوران کنگ عبداللہ نے طاہرالقادری کی دہشت گردی کے خلاف جاری کاوشوں کو سراہا۔

کنگ عبداللہ نے کہا کہ دہشت گردی اور خودکش دھماکوں کی روک تھام کے لیے علامہ طاہرالقادری کے فتووں کا خود مطالعہ کیا ہے جس میں انہوں نے دہشت گردی کے خلاف کھل کر بیان کیا ہے۔

یاد رہے کہ تحریک منہاج القرآن کے سربراہ نے خودکش دھماکے اور دہشت گردی سے متعلق اہم فتوے جاری کیے ہیں جس میں انہوں نے قرآن و حدیث کی روشنی میں یہ بیان کیا ہے کہ بلاجواز کسی شخص کو قتل کرنے والا فرد یا گروہوں کا شمار مسلمانوں میں نہیں کیا جاسکتا۔

Comments

comments

یہ بھی پڑھیں