شمسُ العلما ڈپٹی مولوی نذیر احمد دہلوی کے متعلق ایک لطیفہ مشہور ہے۔ وہ یہ کہ اُن کے پاس عربی کی ایک نایاب کتاب تھی، جسے دیکھنے کے دلّی کے ایک مولوی صاحب بھی شائق تھے۔
اُن سے ڈپٹی صاحب کے تعلقات کچھ اس قسم کے تھے کہ ڈپٹی صاحب نہ انکار کرتے تھے اور نہ دینا چاہتے تھے، لیکن ایک روز ڈپٹی صاحب کو یہ کتاب ان کو دیتے ہی بنی۔
ڈپٹی صاحب کو اللہ نے حسِ مزاح سے پوری طرح نوازا تھا، کتاب مولوی صاحب کی جانب بڑھاتے ہوئے ڈپٹی صاحب نے فرمایا کہ کتاب تو بڑی اچھی ہے، لیکن اس کی جلد سُور کے چمڑے کی ہے۔
مولوی صاحب نے جو یہ الفاظ سُنے تو لاحول پڑھتے ہوئے فوراً پیچھے ہٹ گئے اور کتاب لینے سے انکار کر دیا۔
راوی: عبدالمجید قریشی
Comments
- Advertisement -