آج انگریزی اور اردو زبانوں کے ممتاز ادیب، نقّاد اور دانشور پروفیسر احمد علی کی برسی ہے۔ وہ 14 جنوری 1994ء کو کراچی میں وفات پاگئے تھے۔
پروفیسر احمد علی کا تعلق دہلی سے تھا جہاں انھوں نے 1910ء میں آنکھ کھولی۔ ان کی ادبی زندگی کا آغاز افسانہ نگاری سے ہوا۔ ان کا ایک افسانہ افسانوں کے مشہور اور متنازع مجموعے انگارے میں بھی شامل تھا۔ اس افسانوی مجموعے پر پابندی عائد کر دی گئی تھی۔
پروفیسر احمد علی کی تصانیف میں ہماری گلی، شعلے اور قید خانہ کے علاوہ انگریزی زبان میں لکھی گئیں Muslim China، Ocean of Night، The Golden Tradition، Twilight in Delhi اور Of Rats and Diplomats کے نام شامل ہیں۔
- Advertisement -
پروفیسر احمد علی نے قرآن پاک کا انگریزی ترجمہ بھی کیا۔ انھیں حکومتِ پاکستان نے ستارۂ قائداعظم کا اعزاز عطا کیا تھا۔
