The news is by your side.

Advertisement

تلاش جن کی ہے وہ دن ضرور آئیں گے (شاعری)

پروفیسر ڈاکٹر شریف کنجاہی دنیائے ادب کا ممتاز اور نہایت معتبر نام ہے جنھیں اردو اور پنجابی زبان میں ان کی تخلیقات کی وجہ سے ہمیشہ یاد رکھا جائے گا۔ وہ ادیب، شاعر، ماہرِ لسانیات، محقق، مترجم اور معلم کی حیثیت سے پہچانے جاتے ہیں۔

ان کی ایک غزل آپ کے ذوق کی نذر ہے۔

غزل
تلاش جن کی ہے وہ دن ضرور آئیں گے
یہ اور بات سہی ہم نہ دیکھ پائیں گے

یقیں تو ہے کہ کُھلے گا، نہ کُھل سکا بھی اگر
درِ بہار پہ دستک دیے ہی جائیں گے

غنودہ راہوں کو تَک تَک کے سوگوار نہ ہو
ترے قدم ہی مسافر اِنہیں جگائیں گے

لبوں کی موت سے بدتر ہے فکر و جذب کی موت
کدھر ہیں وہ جو اِنہیں موت سے بچائیں گے

طویل رات بھی آخر کو ختم ہوتی ہے
شریفؔ ہم نہ اندھیروں سے مات کھائیں گے

Comments

یہ بھی پڑھیں