The news is by your side.

Advertisement

حکومتی اقدامات کے مثبت نتائج، تجارتی خسارے میں نمایاں کمی، رپورٹ جاری

اسلام آباد: حکومت کی جانب سے معیشت کے لیے اٹھائے گئے اقدامات کے مثبت نتائج سامنے آنا شروع ہوگئے۔

ادارہ شماریات کی جانب سے رواں مالی سال کی پہلی سہ ماہی رپورٹ جاری کی جس کے مطابق تجارتی خسارے میں نمایاں کمی ہوئی، جولائی تا ستمبر خسارہ 5 ارب 72 کروڑ پر پہنچ گیا۔

رپورٹ میں بتایا گیا ہے کہ گزشتہ مالی سال کی پہلی سہ ماہی میں تجارتی خسارہ8ارب79کروڑڈالرتھا، رواں مالی سال کی پہلی سہ ماہی میں برآمدات میں پونے3 فیصداضافہ ریکارڈ ہوا اور جولائی تاستمبربرآمدات کی مالیت5ارب52کروڑڈالرریکارڈ کی گئی۔

ادارہ شماریات کے مطابق رواں سال کی پہلی سہ ماہی میں درآمدات کی مالیت11ارب25کروڑ ڈالر ریکارڈ ہوئی، ستمبر میں برآمدات 1 ارب 77 کروڑ جبکہ درآمدات کمی کے بعد 3 ارب 78 کروڑ تک پہنچ گئی۔

مزید پڑھیں: کرنٹ اکاؤنٹ خسارے میں 54 فیصد کمی، ادارہ شماریات کی رپورٹ جاری

یاد رہے کہ گزشتہ ماہ وفاقی ادارہ شماریات نے رواں مالی سال کے دو ماہ کی کرنٹ اکاؤنٹ خسارے کی رپورٹ جاری کی تھی۔  جس میں بتایا گیا تھا کہ خسارے میں 54 فیصد کمی ہوئی۔

رپورٹ میں بتایا گیا تھا کہ رواں سال جولائی تا اگست کرنٹ اکاؤنٹ خسارہ ایک ارب29کروڑڈالررہا جبکہ گزشتہ مالی سال کےپہلے2ماہ میں کرنٹ اکاؤنٹ خسارہ2ارب85کرورڈالر ریکارڈ کیا گیا تھا۔

ادارہ شماریات کی رپورٹ کے میں یہ بھی بتایا گیا تھا کہ رواں مالی سال افراط زر (جی ڈی پی) تناسب میں کرنٹ اکاؤنٹ خسارےکی شرح 2.8فیصدرہی جبکہ گزشتہ مالی سال یہ شرح 5.5 فیصد تھی۔

Comments

comments

یہ بھی پڑھیں