بالی ووڈ اداکارہ اروشی روٹیلا ہالی ووڈ اداکار لیونارڈو ڈی کیپریو سے متعلق دعوے پر مذاق کا نشانہ بن گئیں۔
بھارتی اداکارہ اروشی روتیلا، دپیکا پڈوکون، آر مادھون، نواز الدین صدیقی اور شیکھر کپور نے حال ہی میں فرانس میں 75ویں کانز فلم فیسٹیول میں شرکت کی۔
فلم فیسٹیول سے واپسی کے بعد اروشی روٹیلا نے ایک انٹرویو میں دعویٰ کیا کہ ان کی ملاقات ہالی ووڈ اسٹار لیونارڈو ڈی کیپریو سے ہوئی اور ان کے تعریف کرنے پر وہ جذباتی ہوگئیں۔
اروشی نے کہا کہ ’لیونارڈو کی جانب سے میری تعریف کرنے پر میں گھبرا گئی اور بہت جذباتی ہوگئی تھی، میری آنکھوں میں خوشی کے آنسو چھلک رہے تھے۔‘
اداکارہ کا اپنی تعریف سے متعلق یہ دعویٰ سوشل میڈیا پر وائرل ہوگیا اور صارفین نے انہیں جھوٹا قرار دے دیا۔
ایک صارف نے لکھا کہ ’اداکارہ جھوٹ بولنے میں بھی باصلاحیت ہیں۔‘
Leonardo Dicaprio ne like pic.twitter.com/3HBMQrc36d
— A (@messingmylifeup) May 26, 2022
ایک اور صارف طنزیہ انداز میں کہا کہ ہائی بھئی، لیونارڈو ڈی کیپریو نے ان کی فلمیں دیکھیں ہوں گی تبھی ان کی تعریف کرنے پر مجبور ہوگئے۔
ایک تیسرے صارف نے لکھا کہ ’اب لیو کو بھی ملکہ اروشی کی تعریف کرنا پڑ گئی۔‘
ایک اور صارف نے لکھا کہ میں واقعی اروشی روٹیلا کی تعریف کرتا ہوں کیونکہ انہیں اس بات کی پرواہ نہیں کہ وہ صرف جھوٹ بول رہی ہیں۔‘
