بالی ووڈ کی معروف اداکارہ اروشی روٹیلا آن لائن بیٹنگ پلیٹ فارم کی تحقیقات کے سلسلے میں مشکل میں آگئیں۔
بھارتی میڈیا رپورٹ کے مطابق اداکارہ اروشی روٹیلا اور سابق رکن اسمبلی ممی چکرورتی کو آن لائن بیٹنگ پلیٹ فارم کی تحقیقات کے سلسلے میں انفورسمنٹ ڈائریکٹوریٹ (ای ڈی) نے طلب کیا ہے۔
ای ڈی نے اروشی کو منگل کو مرکزی ایجنسی کے دہلی ہیڈ کوارٹر میں پیش ہونے کے لیے سمن جاری کیا ہے۔
اداکار اور ترنمول کانگریس کی سابق رکن پارلیمنٹ ممی چکرورتی کو بیٹنگ ایپ فراڈ کی جاری تحقیقات کے سلسلے میں ایک دن پہلے رپورٹ کرنے کو کہا گیا ہے۔
یہ پڑھیں: اروشی روٹیلا نے ’اروشی مندر‘ سے متعلق متنازع بیان پر خاموشی توڑ دی
ای ڈی کے اہلکار کے مطابق یہ تفتیش کئی آن لائن بیٹنگ ایپس کے خلاف منی لانڈرنگ کی تحقیقات کا حصہ ہے، جو اشتہارات کے لیے پلیٹ فارم کا استعمال کرتے ہیں اور صارفین سے فنڈز اکٹھا کرتے ہیں۔
واضح رہے کہ آن لائن گیمنگ اور بیٹنگ پلیٹ فارم منی لانڈرنگ اور ٹیکس چوری کے الزام میں ای ڈی کے ریڈار پر ہیں۔
ای ڈی نے اس سے قبل متعدد اداکاروں اور کرکٹرز سے ایسی ایپس کی توثیق کرنے پر پوچھ گچھ کی ہے جن پر اپنے صارفین اور سرمایہ کاروں کو بھاری رقم کی دھوکہ دہی، اور مبینہ طور پر کافی ٹیکس چوری کرنے کا الزام لگایا گیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں