لاہور: پاکستانی اداکارہ عروہ حسین اور گلوکار فرحان سعید کی شادی کو تین سال مکمل ہوگئے۔
تفصیلات کے مطابق عروہ حسین اور گلوکار فرحان سعید 16 دسمبر 2016 کو لاہور کی بادشاہی مسجد میں ازدواجی بندھن میں بندھے تھے۔
عروہ حسین اور فرحان سعید ایک عرصہ سے دوستی کے تعلق میں بندھے رہے تھے جس کے بعد گلوکار نے عروہ کو شادی کی باقاعدہ پیشکش کی تھی۔
عروہ حسین نے سماجی رابطے کی ویب سائٹ پر اپنی اور خاوند کی تصویر شیئر کرتے ہوئے فرحان سعید کو بہت ہی سادہ اور روایتی انداز سے سالگرہ کی مبارک باد دی۔
دوسری جانب فرحان سعید نے بھی اپنے انسٹاگرام پوسٹ پر عروہ کو شادی کی سالگرہ کی مبارک باد دی۔
یاد رہے کہ حال ہی میں اے آر وائی کے بینر تلے لاہور میں ہونے والے ’اے آر وائی فیسٹ‘ میں گلوکار فرحان سعید نے شاندار پرفارمنس دی تھی جس پر حاضرین جھوم اٹھے تھے۔
Comments
- Advertisement -