کراچی: فلم و ٹی وی انڈسٹری کی معروف اداکارہ عروہ حسین تجربہ کار آل راؤنڈر شعیب ملک کی مداح نکلیں۔
تفصیلات کے مطابق اداکارہ عروہ حسین نے قومی کرکٹ ٹیم کے آل راؤنڈر شعیب ملک کو ٹی ٹوینٹی کرکٹ میں دس ہزار رنز مکمل کرنے پر مبادک باد دی۔
سماجی رابطے کی ویب سائٹ ٹویٹر پر عروہ نے ملک کے ہمراہ تصویر شیئر کی اور شعیب ملک کو 10 ہزار رنز مکمل کرنے پر انہیں مبارک باد پیش کی۔
عروہ حسین نے لکھا کہ ’ٹی ٹوینٹی میں 10 ہزار رنز بنانے والے پہلے پاکستانی کرکٹر اور دنیا کے تیسرے کھلاڑی بننے پر مجھ سمیت پورے پاکستان کو آپ پر بہت فخر ہے۔‘
Congratulations @realshoaibmalik on becoming the first Pakistani cricketer & top 3rd in the world to score 10 thousand runs in T20 ! Entire Pakistan is proud of you my friend ! 🇵🇰 pic.twitter.com/9N8LaMU828
— URWA HOCANE (@VJURWA) October 12, 2020
اداکارہ کے ٹویٹ پر سیکڑوں صارفین کی جانب سے قومی کرکٹر کو عالمی اعزاز حاصل کرنے پر مبارک باد دینے کا سلسلہ جاری ہے۔
واضح رہے کہ قومی کرکٹ ٹیم کے سابق کپتان اور مایہ ناز آل راؤنڈر شعیب ملک نے مختصر ترین دورانیے کی کرکٹ (ٹی ٹوئنٹی) میں 10 ہزار بنانے کا اعزاز حاصل کیا تھا۔
مختصر فارمیٹ میں شعیب ملک 10ہزار رنز بنانے والے پہلے پاکستانی اور دنیا کے تیسرے بیٹسمین بن چکے ہیں، ان سے قبل یہ اعزاز کرس گیل اور کیرون پولارڈ کے پاس تھا۔