کراچی: معروف اداکارہ عروہ حسین مشکل وقت میں وزیر اعظم عمران خان کے دور اندیش فیصلوں اور قائدانہ صلاحیتوں کی معترف ہوگئیں، انہوں نے کہا کہ ہمارا ملک محفوظ ہاتھوں میں ہے۔
تفصیلات کے مطابق معروف اداکارہ عروہ حسین نے سماجی رابطے کی ویب سائٹ ٹویٹر پر اپنے ٹویٹ میں وزیر اعظم عمران خان کی قائدانہ صلاحیتوں کو سراہا۔
اپنے ٹویٹ میں عروہ کا کہنا تھا کہ اس وقت کوئی بھی فیصلہ کرنا آسان نہیں ہے تاہم وزیر اعظم عمران خان جس طرح اس مشکل وقت سے نکلنے میں قوم کی رہنمائی کر رہے ہیں وہ قابل تعریف ہے۔
انہوں نے کہا کہ وزیر اعظم اس مشکل گھڑی سے نمٹنے کے لیے بہترین حکمت عملی اپنا رہے ہیں، مجھے یقین ہورہا ہے کہ ہماری قوم اس وقت محفوظ ہاتھوں میں ہے۔
No such thing as an easy decision for PM @ImranKhanPTI right now but the way he is leading the country through this pandemic & strategising for us every minute through this difficult time with much resilience is commendable. I deeply feel the nation is in good hands! 🇵🇰 #covid19
— URWA HOCANE (@VJURWA) March 31, 2020
خیال رہے کہ وزیر اعظم عمران خان نے اس مشکل وقت میں عوام کے لیے بڑے ریلیف پیکج کا اعلان کیا ہے جبکہ مستحق افراد کے گھروں پر راشن پہنچانے کا بھی انتظام کیا ہے۔
گزشتہ روز اے آر وائی ڈیجیٹل نیٹ ورک کی میراتھون نشریات سے گفتگو کرتے ہوئے وزیر اعظم نے کہا تھا کہ ہم نے اپنی طرف سے پاکستان کا سب سے بڑا 8 ارب ڈالر کا پیکج دیا ہے۔
انہوں نے کہا تھا کہ احساس فیس بک پیج کل لانچ کر رہے ہیں، پاکستان میں جہاں بھی راشن کی ضرورت ہوگی اس کی نشاندہی کی جائے گی، فیس بک پیج کے ذریعے خیراتی اداروں اور سوشل ورکرز کو گائیڈ کیا جائے گا۔