The news is by your side.

ماورا اور عروا حسین نے ’بچپن‘ کی یادیں بتا دیں

شوبز انڈسٹری کی معروف اداکارہ بہنوں ماورا اور عروا حسین نے بچپن کی یادیں بتادیں۔

اے آر وائی ڈیجیٹل کے پروگرام ’گڈ مارننگ پاکستان‘ میں اداکارہ ماورا اور عروا حسین نے شرکت کی اور میزبان ندا یاسر کی جانب سے پوچھے گئے مختلف سوالات کے جوابات دیے۔

ندا یاسر نے ان سے پوچھا کہ بچپن میں والدہ کے ساتھ درزی کے پاس کون جاتا تھا؟

عروا حسین نے بتایا کہ ’میں ہمیشہ سے ماورا سے مشورہ لیتی ہوں، ان کا ’ڈریسنگ سینس‘ بہت اچھا ہے وہ مجھے بتاتی ہیں کہ کون سے کپڑوں کے ساتھ کونسی جیولری یا جوتے اچھے لگیں گے۔

انہوں نے بتایا کہ ’ماورا ہمیشہ مجھ سے کہتی ہیں کہ عروہ ان کپڑوں کے ساتھ یہ چیز میچ نہیں کررہی ہے، ان کے بتانے سے میرے لیے آسانی ہوجاتی ہے۔

 ماما کے ساتھ مجھے درزی کے پاس جانے میں مزہ آتا تھا،ماورا حسین

ماورا نے کہا کہ ’ماما کے ساتھ مجھے درزی کے پاس جانے میں مزہ آتا تھا اب بھی ایسا ہی ہے میں ڈیزائن دیکھ کر پھر کپڑوں کا انتخاب کرتی ہوں۔

ماورا حسین مزاحیہ انداز میں کہا کہ ’عروہ کو کپڑے سلوانے نہیں ہوتے تو وہ درزی کے پاس کیوں جائیں گی لیکن میں کپڑوں کے ڈیزائن دیکھ کر پھر خریدتی ہوں یا پھر سلواتی ہوں۔‘

واضح رہے کہ عروا حسین اے آر وائی ڈیجیٹل کے ڈرامہ سیریل ’نیلی زندہ ہے۔‘ ’امانت‘ میں اداکاری کے جوہر دکھا چکی ہیں جبکہ وہ حالیہ ریلیز ہونے والی فلم ’ٹچ بٹن‘ کی پروڈیوسر بھی ہیں۔

ماورا حسین نے اے آر وائی ڈیجیٹل کے ڈرامہ سیریل ’میں بشریٰ‘ میں اداکاری کے جوہر دکھائے تھے۔

Comments

یہ بھی پڑھیں