واشنگٹن : خاشقجی قتل میں بن سلمان کے ملوث ہونے سے متعلق سوال پر ٹرمپ نے کہا کہ سعودی عرب کی مدد کے بغیر اسرائیل کو بڑی مشکلات کا سامنا کرنا پڑتا۔
تفصیلات کے مطابق امریکی صدر ڈونلڈ ٹرمپ نے فلوریڈا میں میڈیا نمائندگان سے گفتگو کرتے ہوئے کہا تھا کہ سعودی عرب مشرق وسطیٰ میں مغربی طاقتوں کے اہم اور مضبوط اتحادی کی صورت میں سعودی عرب موجود ہے۔
امریکی صدر ڈونلڈ ٹرمپ کا کہنا تھا کہ اگر مشرق وسطیٰ میں سعودی عرب جیسا اتحادی و دوست موجود نہ ہوتا تو اتنا بڑا بیس مسیر آنا نہ ممکن تھا، جس کے باعث کوئی بھی موثر کارروائی نہیں کرسکتے تھے۔
ڈونلڈ ٹرمپ کا مزید کہنا تھا کہ امریکا ہمیشہ سعودی عرب کا اتحادی رہنا چاہتا ہے کیوں کہ سعودیہ امریکا، اسرائیل اور دیگر ممالک کے لیے مفید ہے۔
غاصب ریاست اسرائیل کے وزیر اعظم نیتن یاہو کا بھی کہنا تھا کہ جن ممالک کے پاس ایران جیسا دشمن ہو ان کے لیے سعودی عرب جیسے ممالک کی دوستی بہت اہم ہے اور ہم ایران کے خلاف سعودی عرب کو اپنا اتحادی تصور کرتے ہیں۔
امریکی صدر دونلڈ ٹرمپ نے ان خیالات کا اظہار جمال خاشقجی قتل کیس میں سعودی ولی عہد کے ملوث ہونے کے سی آئی اے کے انکشاف سے متعلق سوال پر کیا گیا تھا۔
خیال رہے کہ امریکی خفیہ ایجنسی سی آئی اے نے انکشاف کیا تھا کہ معروف صحافی و کالم نویس جمال خاشقجی کے بیہمانہ قتل کا حکم سعودی ولی عہد محمد بن سلمان نے ٹیلی فونک رابطے کے ذریعے شہزادہ خالد بن سلمان کو دیا تھا۔
یاد رہے کہ امریکی صدر پہلے بھی واضحات کرچکے ہیں کہ جمال خاشقجی قتل کے معاملے پر محمد بن سلمان پر پابندیاں نہیں لگا سکتے۔
