The news is by your side.

Advertisement

وزیر خارجہ کا کوروناسے نمٹنے کیلئے بروقت معاونت پر امریکی سفیر کا شکریہ

اسلام آباد : وزیر خارجہ شاہ محمود قریشی نے امریکی ناظم الامور سے ملاقات میں کورونا سے نمٹنے کیلئے بروقت معاونت پر شکریہ ادا کیا۔

تفصیلات مطابق وزیر خارجہ شاہ محمود قریشی سے امریکی ناظم الامور پال جونز کی الوداعی ملاقات ہوئی ، ملاقات میں پاک امریکا تعلقات، امن و امان کی صورتحال سمیت دیگرامور پر تبادلہ خیال کیا گیا۔

وزیرخارجہ نےپاک امریکاتعلقات مستحکم بنانے پرامریکی سفارتکار کی خدمات کو سراہتے ہوئے کہا پاک امریکاتعلقات کافروغ،باہمی شراکت داری امن کیلئے ناگزیرہے۔

وزیر خارجہ نے کوروناسے نمٹنے کیلئے بروقت معاونت پرامریکی سفیر کا شکریہ ادا کیا۔

امریکی ناظم الامور پال جونز نے افغان مفاہمتی عمل اور خطے میں امن کیلئے پاکستان کے مثبت کردار کی تعریف کی۔

یاد رہے آرمی چیف جنرل قمرجاوید باجوہ سے امریکی ناظم الامور پال جونز کی الوداعی ملاقات ہوئی، جس میں آرمی چیف نےپاکستان کےلیےامریکی سفارتکار کی خدمات کو سراہا۔

امریکی ناظم الامور پال جونز نے افغان مفاہمتی عمل میں پاکستان کےمثبت کردار کی تعریف کی۔

Comments

یہ بھی پڑھیں