The news is by your side.

Advertisement

جوہری ہتھیاروں پرعالمی پابندی حقیقت پسندانہ نہیں‘ نکی ہیلی

نیویارک : اقوام متحدہ میں امریکی سفیر نکی ہیلی کا کہنا ہےکہ جوہری ہتھیاروں پر عالمی سطح پر پابندی ’حقیقت پسندانہ‘ نہیں ہے۔

تفصیلات کےمطابق اقوام متحدہ کی جوہری ہتھیاروں سے متعلق کانفرس میں 120 سے زائد ممالک نے جوہری پابندی کو قانونی شکل دینے کے منصوبے کی حمایت کا اظہار کیا۔

جوہری ہتھیاروں پر پابندی سےمتعلق اس کانفرس میں امریکہ، برطانیہ اور فرانس سمیت 40 کے قریب ممالک نے شرکت نہیں کی۔

اقوام متحدہ میں امریکی سفیر نکی ہیلی کا اس حوالے سے کہناتھاکہ قومی سلامتی کو جوہری ہتھیاروں کی ضرورت ہے۔

نکی ہیلی نے میڈیا سے بات کرتےہوئےکہاکہ مجھے اپنے خاندان کے لیے جوہری ہتھیاروں سے پاک دنیا سے بڑھ کر کچھ نہیں چاہیے۔لیکن ہمیں حقیقیت پسندانہ ہونا پڑے گا۔


مزید پڑھیں:شمالی کوریا کاہائی پرفامنس راکٹ کاتجربہ


جوہری ہتھیاروں کی عالمی سطح پر پابندی سے متعلق امریکی سفیرکاکہناتھاکہ کیا کسی کو یقین ہے کہ شمالی کوریا جوہری ہتھیاروں پر پابندی سے اتفاق کرے گا؟۔

خیال رہےکہ گزشتہ دنوں چین اورعالمی برادری کی جانب سے تنبیہ کے باوجود شمالی کوریا کی جانب سےمیزائل اور جوہری تجربات کیےگئے۔

یاد رہےکہ اقوام متحدہ نےگزشتہ سال اکتوبر میں جوہری ہتھیاروں پر پابندی کےمعاہدے پر مذاکرات کا اعلان کیا تھا۔

واضح رہےکہ امریکہ ،برطانیہ، فرانس، اسرائیل، روس نے اُس وقت جوہری پابندی کے معاہدے پر ‘نہیں’ کا ووٹ دیا تھا جبکہ چین، بھارت اور پاکستان نے ووٹ کا حق استعمال نہیں کیا تھا۔

Print Friendly, PDF & Email

Comments

comments

یہ بھی پڑھیں