The news is by your side.

Advertisement

امریکا موسمیاتی تبدیلیوں کیخلاف پاکستانی کوششوں کا معترف

واشنگٹن : امریکی رکن کانگریس شیلا جیکسن لی نے کہا کہ پاکستان نے 2023 تک اربوں درخت لگانے کےعزم کا اظہار کیا ہے، امریکا موسمیاتی تبدیلیوں کیخلاف پاکستانی کوششوں کا معترف ہے۔

تفصیلات کے مطابق امریکی رکن کانگریس شیلا جیکسن لی نے موسمیاتی تبدیلی پرعالمی کانفرنس میں پاکستان کی شرکت پرخوشی کااظہار کرتے ہوئے کہا امریکا موسمیاتی تبدیلیوں کیخلاف پاکستانی کوششوں کامعترف ہے۔

شیلا جیکسن لی کا کہنا تھا کہ پاکستان نے 2023 تک اربوں درخت لگانے کےعزم کا اظہار کیا ہے، پاکستان کا اربوں درخت لگانےکاعزم دنیا کیلئے ایک چیلنج اور مثال ثابت ہوگا، موسمیاتی تبدیلیوں کیخلاف پاکستانی اقدامات کو قدر کی نگاہ سے دیکھتے ہیں۔

خیال رہے ڈیموکریٹ رکن کانگریس شیلا جیکسن لی پاکستان کاکس کی چیئرپرسن بھی ہیں ۔

پاکستانی اقدامات کوسراہنے پر مشیربرائےماحولیاتی تبدیلی ملک امین اسلم نے اظہارتشکر کرتے ہوئے کہا پاکستان موسمیاتی تبدیلیوں کامقابلہ کرنےکیلئے پُرعزم ہے۔

Comments

یہ بھی پڑھیں