تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پنٹاگون نے پاکستان کو نائٹ وژن آلات فروخت کرنے کی منظوری دے دی

واشنگٹن : پینٹاگون نے پاکستان کو نائٹ وژن آلات فروخت کرنے کی منظوری دے دی ہے۔

پینٹاگون کی جانب سے جاری بیان کے مطابق امریکہ نے پاکستان کو نائٹ وژن آلات فروخت کرنے کی منظوری دی گئی ہے، امریکی کمپنی لوک ہیڈ مارٹن سے طے پانے والے معاہدے میں نائٹ وژن آلات کی تیاری، ٹارگٹ سسٹم کے سافٹ ویئر میں بہتری اور کوبرا ہیلی کاپٹر میں رات میں دیکھنے کی صلاحیت والے آلات کی تنصیب شامل ہے۔

معاہدے کی مجموعی مالیت انتیس ارب روپے سے زائد ہے۔

پینٹاگون کا کہنا ہے لوک ہیڈ مارٹن کمپنی ٹارگٹ سائٹ سسٹم فلوریڈا میں تیار کرکے 2022 تک امریکی بحریہ اور پاکستان کے حوالے کرے گی اور پاکستان مجموعی مالیت کا 20 فیصد امریکا کو ادا کرے گا۔

اس سے قبل رواں برس جنوری میں بھی امریکا نے اسی نظام کی پاکستان کو فراہمی کے لیے لوک ہیڈ مارٹن سے 14 ملین ڈالر کا ایک اور معاہدہ کیا تھا، جس کے تحت ٹارگٹ سائٹ سسٹم کی پاکستان کو فراہمی آئندہ برس دسمبر میں کی جائے گی۔

واضح رہے کہ نائٹ وژن کے ذریعے رات میں کارروائیوں اور دن میں دشوار گزار پہاڑی علاقوں میں دہشت گردوں کے خلاف آپریشن میں مدد ملتی ہے اور یہ سسٹم علاقے کے بارے میں بروقت اور صحیح معلومات فراہم کرتا ہے۔

Comments

- Advertisement -