The news is by your side.

Advertisement

افغانستان سے امریکی فوج کے انخلا کیلئے راہیں ہموار

کابل: افغانستان سے امریکی فوج کے انخلا کے لیے راہیں ہموار ہونے لگیں، طالبان نے فریقین کے درمیان اختلاف ختم ہونے کا دعویٰ کیا ہے۔

تفصیلات کے مطابق طالبان نے اعلان کیا ہے کہ افغانستان سے امریکی فوج کے انخلا کے معاملے پر امریکا اور طالبان کے مابین پائے جانے اختلافات ختم ہو گئے ہیں۔

غیرملکی خبررساں ادارے کے مطابق یہ پیش رفت طالبان اور امریکا کے مابین امن مذاکرات کے آٹھویں دور میں دیکھی گئی۔

طالبان کے ایک ترجمان نے میڈیا سے بات چیت میں کہا کہ طالبان اور انتہا پسند گروہوں کے مابین روابط کے خاتمے کے یقین دہانیوں کے بارے میں بھی بات چیت مثبت رہی ہے۔

امریکا نے مذاکرات میں ہونے والی پیش رفت کے حوالے سے تفصیلات نہیں بتائیں تاہم خصوصی مندوب زلمے خلیل زاد نے اپنے ٹوئٹر پیغام میں کہا کہ مذاکرات میں اہم پیش رفت ہوئی ہے۔

ہم افغانستان میں ایک اچھے معاہدے کے لیے تیار ہیں، زلمے خلیل زاد

خیال رہے کہ امریکا اور طالبان دونوں کی جانب سے مثبت تاثر سامنے آرہا ہے، ماہرین کا کہنا ہے کہ مذاکرات اب حتمی مراحل میں داخل ہوچکے ہیں۔

طالبان افغانستان سے مکمل طور پر امریکی فوج سمیت غیرملکی افواج کے انخلا پر بھی زور دیتا آیا ہے۔ افغان امن عمل میں سب سے بڑی رکاوٹ غیر ملکی فوجیوں کا افغانستان میں موجود ہونا ہے۔

امریکی حکام اور طالبان رہنماؤں نے حال ہی میں کہا تھا کہ فریقین کے درمیان مذاکرات میں حتمی معاہدہ طے پاجائے گا۔

Comments

comments

یہ بھی پڑھیں