The news is by your side.

Advertisement

نائب امریکی وزیر خارجہ کی تہمینہ جنجوعہ سے ملاقات، پاک امریکا تعلقات پر بات چیت

اسلام آباد: سیکریٹری خارجہ تہمینہ جنجوعہ سے نائب امریکی وزیر خارجہ ایلس ویلز نے ملاقات کی اور پاک امریکا تعلقات پر بات چیت کی۔

تفصیلات کے مطابق تہمینہ جنجوعہ سے نائب امریکی وزیرخارجہ کی ملاقات میں پاک امریکا تعلقات پر بات چیت سمیت علاقائی صورت حال اور دوطرفہ امور پر بھی تبادلہ خیال کیا گیا۔

سفارتی ذرائع کے مطابق پاک امریکا تعلقات پر ایلس ویلز کا دورہ اہمیت کا حامل ہے جس سے دونوں ملکوں کے درمیان تعلقات کو مزید تقویت ملے گی۔

نائب امریکی وزیر خارجہ ایلس ویلز آج سرکاری دورے پر اسلام آباد پہنچی ہیں، اس دورے میں وہ پاکستان کے دیگر عہدیداروں سے بھی ملاقات کریں گی۔


پاکستان اورامریکا افغان امن میں‌ کلیدی کردار ادا کرسکتے ہیں: ایلس ویلز کے دورے کا اعلامیہ جاری


اس دورے میں وہ نگراں وزیر اعظم جسٹس ریٹائرڈ ناصر الملک سے بھی ملاقات کریں گی، علاوہ ازیں عسکری حکام سے بھی ملاقات کا امکان ظاہر کیا جا رہا ہے۔

خیال رہے کہ امریکی نائب وزیر خارجہ نے رواں سال اپریل میں بھی پاکستان کا دورہ کیا تھا، امریکی سفارت خانے نے نائب سیکریٹری خارجہ ایلس ویلز کے دورے کو مثبت قرار دیتے ہوئے افغان امن کے لیے پاکستان کے کردار کو سراہا تھا۔

واضح رہے کہ امریکی سفارت خانے کی جانب سے جاری کردہ اعلامیے میں کہا گیا تھا کہ محکمہ خارجہ کی سینئر سفیر ایلس ویلز نے پاکستان کا 28 مارچ تا 3 اپریل چھ روزہ دورہ کیا تھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں