نیویارک : اقوام متحدہ کے سیکریٹری جنرل انتونیو گتریس نے شام پر امریکا اور اتحادیوں کے فضائی حملوں پر افسوس کا اظہار کرتے ہوئے کہا ہے کہ خطے کی صورت خراب ہوتی جارہی ہے اور اس کو بہتری کی طرف لانے کا کوئی نظر نہیں آرہا.
تفصیلات کے مطابق شام میں گذشتہ روز امریکا اور اتحادیوں کی جانب سے فوجی کارروائی کے بعد اقوام متحدہ کے سیکریٹری جنرل انتونیو گتریس نے عرب میڈیا کو انٹرویو دیتے ہوئے کہا ہے کہ مشرق وسطیٰ کا خطہ تیزی سے سرد جنگ کی طرف بڑھ رہا ہے جو بہت زیادہ تشویشناک ہے۔
ان کا کہنا تھا کہ شام پر امریکا اور اتحادیوں کے حملے کے بعد اقوام متحدہ کے اراکین ممالک صبر و تحمل سے کام لیں اور فضائی حملوں کے جواب میں کسی بھی ردعمل سے پرہیز کریں کیونکہ یہ اقدام عالمی امن و استحکام کو مزید خطرے میں ڈال سکتا ہے۔
عرب میڈیا( العربیہ نیوز) سے گفتگو کرتے ہوئے اُن کا کہنا تھا کہ شامی حکومت کے اتحادی صبر تحمل کا مظاہرہ کریں ورنہ خطے کی صورت حال مزید خرابی کی طرف جائے گی اور شامی عوام کی مشکلات میں بھی اضافہ ہوگا۔
اقوام متحدہ کے سیکریٹری جنرل نے کیمیائی حملوں پر شدید افسوس کا اظہار کرتے ہوئے کہا ہے کہ ’کیمیکل ہتھیار استعمال کرنے والوں کے لیے احتساب کا کوئی طریقہ موجود نہیں جبکہ شام اور مشرق وسطیٰ کی موجودہ صورت حال کا حل فوجی کارروائی ہرگز نہیں ہے‘۔
نئے انداز اور انتقام کے ساتھ سرد جنگ کا دوبارہ آغاز ہوگیا ہے‘ انتونیو گتریس
ان کا کہنا تھا کہ امریکا کے اتحادی فرانس نے انسانیت کی تذلیل اور سنگین جرائم میں ملوث ممالک کی حمایت میں پیش کی جانے والی قراردادوں کو کم کرنے کے لیے بہترین تجویز پیش کی ہے۔
سیکریٹری جنرل اقوام متحدہ نے بتایا کہ میں نے سلامتی کونسل کے اجلاس میں کیمیائی ہتھیاروں کے استعمال اور اُس کی روک تھام کے ساتھ ذمہ داروں کا تعین کرنے کے لیے ایک تحقیقاتی ٹیم بنانے کے مطالبے پر اتفاق کیا ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
