site
stats
عالمی خبریں

شامی جنگجوؤں نےداعش کےزیرقبضہ ایئرپورٹ کا کنٹرول سنبھال لیا

دمشق : امریکہ کے حمایت یافتہ شامی جنگجوؤں نے داعش کےگڑھ رقہ کےقریب اہم ہوائی اڈے کا کنٹرول سنبھالنے کا دعویٰ کیاہے۔

تفصیلات کےمطابق امریکی حمایت یافتہ سیرین ڈیموکریٹک فورسز نے داعش سے ان کے مضبوط گڑھ رقہ کے قریب ایک اہم ایئربیس کا مکمل کنٹرول حاصل کر لیا ہے۔

طبکا ایئرپورٹ پرقبضے کوداعش کے جنگجوؤں کو شہر سے مار بھگانے کے سمت میں اہم قدم کے طور پر دیکھا جا رہا ہے۔

شامی جمہوری فورس (ایس ڈی ایف) کے ترجمان طلال سلو نے بتایا کہ انہوں نے دولت اسلامیہ کےجنگجوؤں سے تبکا ایئرپورٹ کو آزاد کرا لیا ہے۔

انسانی حقوق کے اداروں نے اس علاقے میں رہنے والے شہریوں کی حفاظت کے متعلق اپنے خدشات کا اظہار کیا ہے۔

خیال رہےکہ رقہ دولت اسلامیہ کا گڑھ ہے۔دولت اسلامیہ کے شدت پسندوں نے تبکا ائیر بیس پر سال 2014 میں قبضہ کر لیا تھا۔

یاد رہےکہ دولت اسلامیہ کی جانب سے طبکا ایئرپورٹ پر قبضے کامقصد شام کےسب سے بڑے ڈیم کا کنٹرول حاصل کرنے کےعلاوہ طبقہ شہر پر قبضہ کرنا بھی شامل تھا۔


مزید پڑھیں:عراقی فوج نےموصل ایئرپورٹ کاکنٹرول سنبھال لیا


واضح رہےکہ رواں سال فروری میں عراقی افواج نےدولت اسلامیہ کےزیراستعمال موصل کےہوائی اڈے کو دہشت گردتنظیم کے قبضے سےچھڑانے کا دعویٰ کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top