The news is by your side.

Advertisement

امریکا نے اپنے شہریوں کو چین کے غیر ضروری سفر سے روک دیا

کرونا وائرس کا خطرہ بڑھ گیا ہے، جس سے مقابلے کے لیے ہم تیار ہیں: برطانوی وزیر صحت

واشنگٹن: امریکا نے چین کا سفر کرنے والوں کے لیے ٹریول ایڈوائزری جاری کر دی ہے، جس میں امریکی شہریوں کو چین کے غیر ضروری سفر سے روکا گیا ہے۔

تفصیلات کے مطابق امریکا نے کرونا وائرس کے پھیلاؤ کے پیش نظر نئی ٹریول ایڈوائزری جاری کر دی ہے، اس سلسلے میں امریکی محکمہ خارجہ نے لیول تھری الرٹ جاری کیا ہے، جس میں کہا گیا ہے کہ امریکی شہری چین کا غیر ضروری سفر کرنے سے گریز کریں۔

امریکی محکمہ خارجہ نے ٹریول الرٹ میں کہا ہے کہ چین کے شہر ووہان سے تمام سفری ذرایع معطل کر دیے گئے ہیں۔

دوسری طرف برطانوی وزیر صحت میٹ ہینکاک نے کہا ہے کہ کرونا وائرس کا خطرہ بڑھ گیا ہے، جس سے مقابلے کے لیے ہم تیار ہیں، وائرس کے شبہہ میں چین سے آئے 6 افراد کے ٹیسٹ کیے گئے، اب تک کرونا وائرس کا کوئی کیس سامنے نہیں آیا، تاہم چین سے آنے والے مسافروں کا جائزہ لے رہے ہیں۔

چین میں کروناوائرس نےدنیاکیلئے خطرےکی گھنٹی بجادی

ادھر عالمی ادارہ صحت نے کہا ہے کہ کرونا وائرس کو فی الحال عالمی خطرہ قرار نہیں دے سکتے، وائرس سے چین میں ایمرجنسی صورت حال ہے، دنیا کے لیے نہیں، وائرس کی روک تھام کے لیے چین کے اقدامات سے مطمئن ہیں، وائرس سے سب سے زیادہ چین کا شہر ووہان متاثر ہوا۔ خبر ایجنسی کا کہنا ہے کہ وائرس سے چین میں اب تک 18 افراد ہلاک ہو چکے ہیں، جب کہ اب تک دنیا بھر میں 650 سے زائد افراد کرونا وائرس سے متاثر ہو چکے ہیں۔

fb-share-icon0
Tweet 20

Comments

comments

یہ بھی پڑھیں