استنبول : ٹرمپ انتظامیہ مسلمانوں سے خوفزدہ ہے، آسکرایوارڈ کیلئے نامزد شامی سنیماٹوگرافرخالد خطیب کو امریکا آنے سے روک دیا اور ترکی کے ائیرپورٹ پر گرفتار کرلیا گیا ہے۔
مسلمانوں کے خلاف تعصب میں ٹرمپ انتظامیہ نے فلمی دنیا کو بھی نہیں بخشا، آسکرایوارڈز میں نامزد شامی سنیماٹوگرافر خالد خطیب کو امریکی ویزا ملنے کے بعد تقریب میں شرکت کے لئے لاس اینجلس پہنچنا تھا۔
تاہم جب وہ استنبول ایئرپورٹ پہنچے تو امریکی امیگریشن حکام کی ہدایات کے مطابق خالد خطیب کو نہ صرف روکا گیا بلکہ گرفتار بھی کرلیا گیا، گرفتاری کی کوئی وجہ نہیں بتائی گئی۔
یاد رہے کہ شامی سنیماٹوگرافر خالد خطیب کو بیسٹ ڈاکیو میٹری فلم "دی وائٹ ہیلمٹس ” کے لئے نامزد کیا گیا ہے۔
The white helmets documentary produced by @netflix was nominated for oscar!! I’m so proud to have filmed this film and for this nomination. pic.twitter.com/Lk3AL4fsEi
— Khaled Khatib (@995Khaled) January 24, 2017
خیال رہے کہ دنیا کے سب سے بڑے فلمی ایوارڈ آسکر کا میلہ کل سجے گا لیکن صدرٹرمپ کی پالیسیاں اس ایوارڈ کی تقریب کو بھی متاثر کر رہی ہیں ۔
مزید پڑھیں : ایرانی اداکارہ کا آسکر ایوارڈ کی تقریب میں شرکت سے انکار
یاد ریے کہ اس سے قبل ایران کی ایوارڈ یافتہ اداکارہ پہلے ہی ٹرمپ کی پالیسیوں کی وجہ سے ’آسکر‘ ایوارڈ کی تقریب میں شرکت کا بائیکاٹ کرچکی ہیں۔
