داعش کےسربراہ ابوبکرالبغدای کےسرکی قیمت ڈھائی کروڑ ڈالر -
The news is by your side.

Advertisement

داعش کےسربراہ ابوبکرالبغدای کےسرکی قیمت ڈھائی کروڑ ڈالر

واشنگٹن : امریکہ نےداعش کے سربراہ ابوبکر البغدادی کے بارے میں اطلاع دینے والے کے لیے انعام کی رقم بڑھا کر 2 کروڑ 50 لاکھ ڈالرز کر دی۔

تفصیلات کےمطابق امریکہ نےدہشت گرد تنظیم داعش کے سربراہ ابوبکر البغدادی کے بارے میں اطلاع دینے والے کے لیےانعامی رقم میں1 کروڑ کا اضافہ کردیا،جس کے بعدانعامی رقم2 کروڑ50 لاکھ امریکی ڈالرز ہوگئی ہے۔

امریکی محکمہٴ خارجہ کےریوارڈ فورجسٹس پروگرام نے انعام کی رقم میں اضافہ کرتے ہوئے کہا ہے کہ البغدادی امن کے لیے خطرے کا باعث ہے۔

محکمہ خارجہ کا کہنا ہے کہ انعامی رقم کسی بھی اس شخص کو دی جا سکتی ہے جوداعش کے سربراہ کے ٹھکانے کے بارے میں اطلاع دے،جس سے اُس کی گرفتاری عمل میں آسکے اور اُسے کیفر کردار تک پہنچایا جاسکے۔

واضح رہے کہ ماضی میں داعش کے سربراہ ابوبکر البغدادی کے ہلاک یا زخمی ہونے کی متعدد خبریں زیرگردش رہی ہیں تاہم اب تک ان دعوؤں کی تصدیق کسی نے بھی نہیں کی جاسکی۔

Comments

comments

یہ بھی پڑھیں