اسلام آباد: امریکی سیاح پاکستان کے خوبصورت مقامات، لوگوں کے رہن سہن اور دیسی کھانوں کا مداح ہوگیا۔
تفصیلات کے مطابق امریکی سیاح مارک ویئن تھائی لینڈ کا ٹور مکمل کرنے کے بعد گزشتہ دنوں پاکستان پہنچا اور وہ یہاں کے دیسی کھانوں کا دیوانہ ہوگیا۔
امریکی سیاح نے اپنے انسٹاگرام پر دورے کی مکمل ویڈیو بھی شیئر کی جو بہت ہی دلچسپ ہے۔
یہ ویڈیو بھی دیکھیں: غیر ملکی سیاح پاکستان کا قدرتی حسن دیکھ کر حیران، ویڈیو دیکھیں
امریکی سیاح جب مقامی گاؤں پہنچا تو وہاں کے مقامی لوگوں نے اُس کی بڑھ چڑھ کر میزبانی کی۔
مقامی لوگوں کی مہمان نوازی اور دیسی کھانے دیکھ کر مارک ویئن اُن کا دیوانہ ہوگیا، غیر ملکی سیاح نے سرسوں کا ساگ، آلو کے پراٹھے، چھولے، مکئی کی روٹی، سبز مرچوں کا اچار اور دیگر پاکستانی کھانے ٹرائی کیے جو اُسے بہت پسند آئے۔
لاہور کی تلی ہوئی مچھلی دیکھ کر گورے سے رہا نہ گیا
پشاور کے چپلی کباب نے امریکی سیاح کو دیوانہ بنادیا
پاکستان کا شمار اُن ممالک میں ہوتا ہے جو قدرتی وسائل اورحُسن سے مالا مال ہے یہی وجہ ہے کہ یہاں کے تمام ہی علاقے اپنی علیحدہ جغرافیائی خصوصیت اور منفرد حسن رکھتے ہیں۔
پاکستان کے شمالی علاقوں اور بالخصوص خیبرپختونخواہ کے علاقے سوات کو یورپی ملک سوئٹزر لینڈ کے ہم پلہ قرار دیا جاتا ہے، یہاں کے قدرتی حسن کو دیکھنے کے لیے سیاح دور دراز علاقوں سے آتے ہیں۔
پاکستان میں دہشت گردی کے خلاف جاری آپریشن کی کامیابی کے بعد غیر ملکی سیاحوں کی ایک بار پھر آمد کا سلسلہ جاری ہوگیا۔