کراچی: امریکن قونصلیٹ کی ٹیم نے کراچی کے علاقے میٹھادر میں واقع ایدھی سینٹرکا دورہ کیا، امریکن قونصلیٹ کے نمائندوں نےعبدالستارایدھی کی عیادت کی۔
تفصیلات کے مطابق ایدھی سینٹرمیٹھا درمیں امریکن قونصل کرسٹوفراورقونصل پیٹرک نے عبدالستارایدھی سے ملاقات کی اوران کی مزاج پرسی کی،اس موقع پرسخت سیکیورٹی کے انتظامات کیے گئے تھے۔
امریکن قونصلیٹ کے نمائندوں نے ملاقات کے دوران عبدالستارایدھی کے لئے اپنی نیک تمناؤں کا اظہارکیا اور امریکہ میں جاری ان کی خدمات کو سراہا۔
اس موقع پر ڈاکٹر عبدالستارایدھی اور بلقیس ایدھی کے فرزند فیصل ایدھی بھی موجود تھے۔
امریکن قونصل کرسٹوفراورقونصل پیٹرک نے میٹھادر میں موجود بچوں سے ملاقات بھی کی اوران کو تحفے تحائف بھی دیے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں