امریکی کانگریس ارکان کی عمران خان کو مبارکباد
The news is by your side.

Advertisement

امریکی کانگریس ارکان کی عمران خان کو مبارکباد

ہیوسٹن: امریکی ارکان کانگریس نے عمران خان کو الیکشن جتینے پر مبارکباد دیتے ہوئے توقع ظاہر کی ہے کہ عمران خان پاک امریکا تعلقات کو بہتر بنانے میں اہم کردار ادا کریں گے۔

تفصیلات کے مطابق ڈیموکریٹ رہنما طاہر جاوید کے استقبالیہ میں اے آروائی نیوز سے خصوصی گفتگو کرتے ہوئے امریکی کانگریس ارکان نے عمران خان کو مبارکباد دی۔

رکن کانگریس ایل گرین نے کہا کہ عمران خان کو الیکشن میں کامیابی پر مبارکباد پیش کرتےہیں، عمران خان پاکستان کے مستقبل کے لئے ایک بڑی امید ہیں اور پاک امریکا تعلقات کیلئے ایک امید کی حیثیت رکھتے ہیں۔

امریکی کانگریس شیلاجیکسن نے کہا کہ عمران خان قوم کا درد رکھتےہیں ، عمران خان کے امریکا میں بہت سےدوست اور خیرخواہ ہیں، عمران خان جمہوری اقدار پر یقین رکھتے ہیں، ہم کانگریس میں پاکستان کے کیس کو مضبوط کریں گے۔

کیتھ ایلیسن کا کہنا تھا کہ عمران خان کی قیادت میں پاک امریکا تعلقات بہترہوں گے، عمران خان عظیم کھلاڑی ہیں، امید ہے عظیم لیڈر ثابت ہوں گے، پاکستانی میں نئی حکومت سے نئے مواقع پیدا ہوں گے۔


مزید پڑھیں : پاکستان کی نئی حکومت کے ساتھ مل کر کام کرنا چاہتے ہیں، امریکا


یاد رہے چند روز قبل واشنگٹن میں ترجمان امریکی محکمہ خارجہ ہیدرنوئرٹ نے پریس بریفنگ کے دوران کہا تھا کہ امریکا انتخابات میں پاکستانی عوام کی جرات مندانہ شمولیت کو سراہتا ہے، پاکستانیوں نے الیکشن میں شدت پسندوں کو مسترد کردیا۔

ان کا کہنا تھا کہ مستقبل کے لیے پاکستانیوں نے ووٹ کے ذریعے ہمت کا مظاہرہ کیا، پاکستان کے استحکام کے لیے مضبوط جمہوری حکمرانی اہم ہے، نئی پاکستانی حکومت کے ساتھ خطے کی سیکیورٹی پرکام کے منتظرہیں۔

اس سے قبل  امریکا نے پاکستان کی نئی حکومت سے مکمل تعاون کے ساتھ خطے میں امن و خوشحالی کے لیے مشترکہ کاوشیں بروئے کار لانے کے عزم کا اظہار کیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں