site
stats
پاکستان

امریکی قونصل خانے کے زیر اہتمام محفل ِموسیقی

کراچی: امریکی قونصل خانے کے زیر اہتمام محفلِ موسیقی کا اہتمام کیا گیا جس میں نیشنل اکیڈمی آف پرفارمنگ آرٹس (NAPA)اور ٹیکساس یونیورسٹی کے فنکاروں پر مشتمل بینڈ ’سنگت‘ نے اپنے فن کا مظاہرہ کیا ۔

اس موقع پر کراچی میں متعین امریکی قونصل جنرل برائن ہیتھ،ٹیکساس یونیورسٹی کے ساوتھ ایشیا انسٹی ٹیوٹ کے ڈئریکٹر کامران علی اور NAPAکے ڈائریکٹر پروگرامز ارشد محمود بھی موجود تھے۔

محفلِ موسیقی سے پہلے اپنے خیالات کا اظہار کرتے ہوئے قونصل جنرل برائن ہیتھ نے کہا کہ امریکی حکومت کے تعاون سے NAPAاور ٹیکساس یونیورسٹی کے درمیان تین سالہ شراکت داری جاری ہے جس کے ذریعے پاکستان میں موسیقی کے ٹیلنٹ کو سامنے لانے میں مدد ملے گی ۔ان کا کہنا تھا کہ آج کی محفل کے ذریعے یہ ۓثابت ہوتا ہے کہ موسیقی مختلف ثقافتوں سے تعلق رکھنے والے افراد کوقریب لانے کا ذریعہ بنتی ہے۔

برائن ہیتھ نے مزید کہا کہ امریکی حکومت کے زیر اہتمام 20پاکستانی جامعات بشمول صوبہ سندھ کےچارتعلیمی اداروں کو امریکی یونیورسٹیوں سے منسلک کیا جا رہا ہے۔برائن ہیتھ نےمزید کہا کہ پاکستان کا مستقبل نوجوان ہیں اور ہماری کوشش ہے کہ انھیں وہ تمام سہولیات فراہم کی جائیں جس کے ذریعے وہ ناصرف اپنا مستقبل روشن بنائیں بلکہ پاکستان کی خدمت بھی کریں۔

امریکی محکمہ خارجہ نیشنل اکیڈمی آف پرفارمنگ آرٹس (NAPA)اور ٹیکساس یونیورسٹی کے بٹلر اسکول آف میوزک کے درمیان اشتراک کیلیے 1ملین ڈالرفراہم کر رہا ہے۔اس تین سالہ منصوبےکے ذریعے NAPAسے تعلق رکھنے والے طلبا کو گائیکی،موسیقی اور ساز بجانے کی تربیت فراہم کی جائے گی۔اس کے علاوہ دونوں اداروں کے طلبا اور اساتذہ کے درمیان رابطوں کو بھی فروغ دیا جائے گا۔

NAPAسے تعلق رکھنے والے طلبا اور اساتذہ نے حال ہی میں ٹیکساس یونیورسٹی کا دورہ کیا اور وہاں چھ ماہ قیام کیا ۔اس دوران انھیں اپنی صلاحیتوں کو نکھارنے میں مدد ملی اور وہ موسیقی کی مختلف اصناف سے متعارف ہوئے۔ ٹیکساس یونیورسٹی کے اساتذہ نے بھی NAPAکا دورہ کیا اور طلبا کیلیے موسیقی سے متعلق ورکشاپس کا انعقاد کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top