site
stats
پاکستان

امریکی قونصل خانے کے زیر اہتمام پاکستانی دستاویزی فلم ’سیونگ فیس‘ کی نمائش

کراچی : امریکی قونصل خانے نے خواتین پر تشدد کے خلاف جاری مہم کے تحت نامور پاکستانی ہدایت کار شرمین عبید چنائے کی آسکر ایوارڈ یافتہ دستاویزی فلم ’سیونگ فیس‘ کی خصوصی نمائش کا اہتمام کیا گیا ۔

اس موقع پر خطاب کرتے ہوئے قونصل جنرل برائن ہیتھ نے کہا کہ ہر سال 100 سے زائد پاکستانی خواتین تیزاب کے حملوں کا شکارہوتی ہیں ، ہم سب کو مل کر جرم کی روک تھام کیلئے کوشش کرنا ہوگی۔

قونصل جنرل کا کہنا تھا کہ امریکہ بھی خواتین کے خلاف تشدد کو روکنے میں مشکلات کا سامنا ہے اور یہی وجہ ہے کہ امریکی قونصل خواتین پر تشدد کے خلاف جاری مہم میں بڑھ چڑھ کر حصہ لے رہا ہے۔

دستاویزی فلم ’سیونگ فیس ‘ میں تیزاب کے حملوں کاشکار دو خواتین کی کہانی پیش کی گئی ہے جو اپنے حملہ آوروں کے خلاف قانونی چارہ جوئی کا فیصلہ کرتی ہے اس مہم میں پلاسٹک سرجن ڈاکٹر محمد جواد ، وکیل سرکار عباس اور ریاست دان ماروی میمن ان کی مدد کرتی ہیں۔

شرمین عبید چنائے آسکر اور ایمی ایوارڈ یافتہ پاکستانی فلمساز ہہیں جنہوں نے انسانی حقوق اور خواتین کے حقوق پر گزشتہ 15 سال کے دوران دنیا کے 10 سے زائد ممالک میں بے شمار دستاویزی فلمیں بنائی ہیں ، ان کی دستاویزی فلم ’سیونگ فیس ‘ کو 2011 میں آسکر ایوارڈ اور 2013 میں ایمی ایوارڈ دیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top