کابل: امریکی فوجیوں نے گزشتہ رات 20 سال بعد افغانستان چھوڑ دیا، افغانستان کی سرزمین چھوڑنے والے آخری امریکی فوجی کی تصویر منظرعام پر آگئی۔
امریکی محکمہ دفاع کی جانب سے سماجی رابطے کی ویب سائٹ ٹویٹر پر بتایا گیا کہ ’میجر جنرل کرس ڈوناہیو افغانستان سے روانہ ہونے والے آخری فوجی ہیں اور وہ سی 17 طیارے میں سوار ہونے کے لیے تیار ہیں۔‘
امریکی محکمہ دفاع نے لکھا کہ ’کابل میں امریکا کا مشن اپنے اختتام کو پہنچ گیا۔‘
The last American soldier to leave Afghanistan: Maj. Gen. Chris Donahue, commanding general of the @82ndABNDiv, @18airbornecorps boards an @usairforce C-17 on August 30th, 2021, ending the U.S. mission in Kabul. pic.twitter.com/j5fPx4iv6a
— Department of Defense 🇺🇸 (@DeptofDefense) August 30, 2021
واضح رہے کہ گزشتہ رات امریکا کے قبضے میں موجود افغانستان کا آخری علاقہ کابل ایئرپورٹ بھی طالبان کے کنٹرول میں آگیا تھا جس کے بعد طالبان کی جانب سے ہوائی فائرنگ کی گئی اور جشن منایا گیا۔
امریکی فوجیوں کے انخلا کے بعد سینئر طالبان رہنما انس حقانی نے کہا کہ ہم نے تاریخ رقم کردی۔
