The news is by your side.

امریکی جوڑا چند منٹ میں لاکھوں ڈالر کا مالک بن گیا

امریکی جوڑے نے ناقابل یقین قسمت کے باعث نے لاٹری ٹکٹ سے 52 کروڑ 95 لاکھ روپے کی انعامی رقم جیت لی۔

غیر ملکی خبر رساں ادارے کی رپورٹ کے مطابق امریکی ریاست میسوری کے رہائشی جوڑے نے چند ڈالرز کے اسکریچ آف لاٹری ٹکٹ سے تین ملین ڈالرز کی خطیر رقم انعام میں جیتی ہے۔

میڈیا رپورٹ میں بتایا گیا ہے کہ جوڑے نے دکان سے خریداری کے دوران اسکریچ آف لاٹری ٹکٹ خریدے، جو اس کے لیے خوش قسمت ثابت ہوا۔

جوڑے نے لاٹری ٹکٹ اسکریچ کرنا شروع کیے تو یہ دیکھ کر خوشگوار حیرت میں مبتلا ہوگئے کہ ہر ٹکٹ میں سے 1 لاکھ ڈالر کا انعام موجود تھا، اس طرح کل 30 لاکھ ڈالر کی لاٹری لگی۔

غیر ملکی میڈیا کے مطابق مذکورہ جوڑے کو کچھ برس قبل بھی اسکریچ آف لاٹری ٹکٹ کے ذریعے 2 لاکھ 50 ہزار ڈالر کی رقم بطور انعام وصول ہوئی تھی۔

Comments

یہ بھی پڑھیں