The news is by your side.

Advertisement

امریکی سفارتخانے کا ڈپٹی چیئرمین سینیٹ عبدالغفور حیدری کو ویزہ دینے سے انکار

اسلام آباد :امریکی سفارتخانے نے ڈپٹی چیئرمین سینیٹ عبد الغفور حیدری کو ویزہ دینے سے انکار کردیا، عبدالغفورحیدری کو اقوام متحدہ کی دعوت پر وفد کے ہمراہ امریکا جانا تھا۔

تفصیلات کے مطابق امریکی سفارتخانے نے ڈپٹی چیئرمین سینیٹ عبد الغفور حیدری کو ویزہ دینے سے انکار کردیا جبکہ وفد کے دیگر اراکین کو ویزہ دے دیا اور ڈپٹی چیئرمین کا پاسپورٹ واپس کردیا ہے۔

چیئرمین سینیٹ رضا ربانی نے امریکی سفارتخانے کے رویے کا نوٹس لیتے ہوئے امریکا جانے والے وفد کا دورہ منسوخ کردیا، چیئرمین سینیٹ رضاربانی نے ہدایت کی کہ پاکستانی وفد امریکا نہیں جائے گا اور اگر امریکی وفد آیا توان کا بھی خیرمقد م نہیں کریں گے۔

ڈپٹی چیئرمین نے امریکی ویزہ نہ ملنے کا معاملہ سینیٹ میں اٹھانے کا فیصلہ کیا ہے۔

خیال رہے کہ مولاناعبدالغفورحیدری کا تعلق جمعیت العلمائے اسلام (ف) سے ہے۔

Print Friendly, PDF & Email

Comments

comments

یہ بھی پڑھیں