The news is by your side.

Advertisement

امریکی ڈالر 171 روپے 25 پیسے پر آگیا

کراچی : ڈالر کے مقابلے میں روپے کی قدر میں اضافہ جاری ہے ، انٹر بینک میں آج ڈالر 40 پیسے کم ہوکر 171 روپے 25 پیسے پر آگیا۔

تفصیلات کے مطابق انٹر بینک مارکیٹ میں روپے کے مقابلے میں ڈالر گرنے کا رجحان مسلسل جاری ہے ، انٹر بینک میں آج ڈالر 40 پیسے سستا ہو کر171 روپے 25 پیسے پر پہنچ گیا۔

گذشتہ ہفتے کے روز انٹر بینک مارکیٹ میں ڈالر کی قدر میں 2 روپے 49 پیسے کی کمی دیکھنے میں آئی اور جب انٹر بینک مارکیٹ بند ہوئی تو ڈالر کی قیمت 172 روپے 78 پیسے تھی۔

یاد رہے پچھلے تین ٹریڈنگ سیشنز میں روپے کے مقابلے میں ڈالر 4 روپے 2 پیسے تک گر چکا ہے، گزشتہ منگل کو اسٹیٹ بینک کے مطابق انٹر بینک میں ڈالر 175 روپے 27 پیسےپر پہنچ چکا تھا۔

خیال رہے کہ سعودی عرب کے پاکستان کو 3 ارب ڈالر دینے کی منظوری کے بعد ڈالر کی قیمت میں کمی ریکارڈ کی جا رہی ہے، سعودی عرب 1.20 ارب ڈالر تیل کی تاخیر سے ادائیگی کی سپورٹ میں بھی دے رہا ہے۔

Comments

یہ بھی پڑھیں