اسلام آباد : امریکا نے 100 وینٹی لیٹرز پاکستان کو فراہم کر دیئے، ڈونلڈ ٹرمپ نے وزیر اعظم عمران خان سے گفتگومیں وینٹی لیٹرزکی فراہمی کا وعدہ کیا تھا، کورونا سے نمٹنے کیلئے امریکا اب تک پاکستان کو27 ملین ڈالرامداد فراہم کرچکا ہے۔
تفصیلات کے مطابق امریکی سفارتخانہ کی جانب سے جاری بیان میں کہا گیا کہ امریکا نے 100 وینٹی لیٹرز پاکستان کو فراہم کر دیئے ، 100وینٹی لیٹرز کی کھیپ کراچی پہنچ گئی، ڈونلڈ ٹرمپ نے وزیر اعظم سے گفتگو میں وینٹی لیٹرزکی فراہمی کا وعدہ کیا تھا، کوروناسےنمٹنےکیلئےامریکااب تک پاکستان کو27ملین ڈالرامداد فراہم کرچکا ہے۔
امریکی ڈپٹی قونصل جنرل جان جوزف ہیلمئیر نے ونٹیلیٹرز این ڈی ایم اے کےممبرآپریشنزبریگیڈیئر وسیم الدین کے حوالے کیے، اس موقع پر امریکی ڈپٹی قونصل جنرل جان جوزف ہیلمئیر نے کہا کہ وینٹیلٹرزامریکی صدرنے کورونا کے خلاف مددکےلیےفراہم کیے، امریکاکورونا کے خلاف جنگ میں پاکستان کے ساتھ کھڑا ہے۔
جان جوزف ہیلمئیر کا کہنا تھا کہ 100 وینٹیلیٹرز کی مالیت 3 ملین ڈالرہے، عطیہ ٹرمپ کی وزیر اعظم عمران خان سے وعدے کی تکمیل ہے۔
ممبر این ڈی ایم اے بریگیڈیئر وسیم الدین نے کہا کہ وینٹیلٹرز کورونا کے خلاف معاون ثابت ہوں گے ، ونٹیلیٹرزملک میں ضرورت کےمطابق تقسیم کیےجائیں گے، جس سے کوروناکے حساس مریضوں کو وینٹیلٹرز سے طبی سہولت ملے گی۔
بریگیڈیئر وسیم الدین کا کہنا تھا کہ این ڈی ایم اےکوروناپرطبی سہولتوں کی فراہمی میں کلیدی کردار ادا کررہا ہے۔
یاد رہے رواں سال اپریل میں وزیراعظم عمران خان اور امریکی صدرٹرمپ کے درمیان ٹیلیفونک رابطہ میں کورونا وائرس کے معاملے پر تعاون بڑھانے پر اتفاق کیا تھا۔
وزیراعظم عمران خان نے امریکا میں کرونا سے اموات پر افسوس کا اظہار کیا جبکہ امریکی صدر نے پاکستان کو وینٹی لیٹر دینے کی بھی پیشکش کی تھی۔
