The news is by your side.

Advertisement

امریکا جانے کے خواہشمند پاکستانیوں کی مشکل آسان ہوگئی

واشنگٹن : امریکا نے کورونا وبا میں کمی کے بعد پاکستان پر کورونا سفری پابندیاں نرم کردیں اور لیول ون کی کم ترین سطح میں شامل کرلیا۔

تفصیلات کے مطابق امریکا کے سینٹرز فار ڈیزیز کنٹرول اینڈ پریونشن نے کورونا کے نئے کیسز میں نمایاں کمی آنے پر پاکستان کو لیول ون کی کم ترین سطح میں شامل کرلیا اور سفری پابندیوں میں نرم کردی۔

امریکہ ادارے نے پاکستان کے علاوہ بھارت ، جاپان، لائبیریا، گیمبیا اور موزمبیق کے لیے بھی کورونا سفری پابندیوں میں نرمی کی ہے۔

امریکا نے تازہ ٹرویل ایڈوائزری میں چیک ریپبلک، ہنگری اور آئس لینڈ میں کورونا کیسز میں اضافے کے پیش نظر تینوں ممالک کے لیے اپنی سفری سفارشات کو لیول فور یعنی بہت زیادہ رسک تک بڑھا دیا۔

خیال رہے رواں برس اگست میں امریکا نے پاکستان کو کورونا ٹرویل ایڈوائزری کے رسک لیول 2 میں رکھا تھا۔

واضح رہے کہ پاکستان میں کورونا کیسز کی شرح کم ترین سطح پر آگئی ہے اور یومیہ کورونا کیسز کی تعداد میں خاطر خواہ کمی کے بعد 200 تک محدود ہوگئی ہے۔

Comments

یہ بھی پڑھیں