کراچی : آج کل کی لڑکیوں کا ایک ہی سوال ہوتا کہ بال لمبے اور گھنے بال کیسے بنائیں، اب ماہرین نے نانی دادی کے ٹوٹکوں پر عمل کرنے کا مشورہ دے دیا ہے۔
روکھے پھیکے، بے جان بال ایک بہترین شخصیت کو ماند کر سکتے ہیں جبکہ خوبصورت، جاندار اور چمکدار بال کسی معمولی شخصیت کو بھی نہایت شاندار اور پرکشش بنا سکتے ہیں، پارٹی میں اچھا نظر آنا ہے تو بالوں کا خاص خیال رکھنا ہوگا پھر کوئی بھی ہیر اسٹائل بنائیں، آپ خوبصورت اور خاص ہی نظر آئیں گے، ہیئر اسٹائل جب ہی اچھا ہو گا جب بال سیاہ گھنے اور چمک دار ہونگے۔
بال سیاہ گھنے اور چمک دار کرنے کے لیے نانی دادی والے ٹوٹکوں کا استعمال کرنا ہوگا، امریکی ماہرین بھی اب یہی مانتے ہیں کہ گھریلو ٹوٹکوں سے ہی بال گھنے اور خوبصورت ہوتے ہیں۔
امریکی ہیر لوس ایسوسیشن کے مطابق امریکی تقریباََ3.5 بلین روپے بالوں کے مسائل پر خرچ کر تے ہیں لیکن گھریلو نسخے استعمال کرنے سے نہ صرف آپ بالوں کے گرنے کو روک سکتے ہیں بلکہ بالوں کو گھنا اور خوبصورت بھی بنا سکتے ہیں۔
امریکی ہیر لوس ایسوسیشن کا کہنا ہے کہ بالوں کو خوبصورت بنانے کے لیے ضروری ہے کہ شیمپو کے استعمال میں احتیاط کریں اور اچھے ہئیر آئل کا انتخاب کریں۔
ماہرین کا یہ بھی کہنا ہے کہ خوراک میں سلاد اور پھلو ں کا استعمال بھی بالوں کو گھنا اور چمک دار کرتا ہے۔
بالوں کو صحت مند رکھنے کیلئے خوراک میں ضروری اجزاء مثلاََ پروٹین کی مناسب مقدار استعمال کرنا بھی ضروری ہے، پروٹین دودھ، مکھن، دہی، سویابین، انڈوں، گوشت اور مچھلی میں پایا جاتا ہے۔
