امریکی محکمہ خارجہ کی عمران خان کومبارکباد، حلف برداری کا خیر مقدم -
The news is by your side.

Advertisement

امریکی محکمہ خارجہ کی عمران خان کومبارکباد، حلف برداری کا خیر مقدم

واشنگٹن : امریکی محکمہ خارجہ کے ترجمان نے کہا ہے کہ خطے میں امن اور خوش حالی کیلئے پاکستان کے ساتھ مل کر کام کرنے کا ارادہ رکھتے ہیں۔

یہ بات ہیدر نوئرٹ نے اپنے ٹوئٹر پیغام میں کہی۔ تفصیلات کے مطابق دنیا بھر کی طرح امریکہ کی جانب سے بھی نومنتخب وزیر اعظم عمران خان کی حلف برداری کا خیر مقدم کیا گیا ہے۔

اس حوالے سے ترجمان امریکی محکمہ خارجہ ہیدر نوئرٹ نے مبارکباد کا پیغام دیا ہے، سماجی رابطے کی ویب سائٹ ٹوئٹر پر اپنے ایک پیغام میں ان کا کہنا ہے کہ گزشتہ ستر برسوں سے پاکستان اور امریکا کے تعلقات اہمیت کے حامل ہیں۔

ہیدر نوئرٹ کا ٹوئٹ میں عمران خان کو وزارت عظمیٰ کا منصب سنبھالنے پر مبارکباد کا پیغام دیتے ہوئے کہنا تھا کہ امریکہ خطے میں امن اور خوش حالی کیلئے پاکستان کے ساتھ مل کر کام کرنے کا خواہاں ہے۔

مزید پڑھیں: جرمن چانسلرانجیلا میرکل کی عمران خان کو مبارکباد، نیک خواہشات کا اظہار

یاد رہے کہ اس سے قبل برطانوی وزیر اعظم تھریسامے اور جرمن چانسلر انجیلا میرکل اور دیگر نے بھی عمران خان کو وزارت اعلیٰ کا منصب سنبھالنے پر مبارکباد کے پیغامات اور ٹیلی فون کیے ہیں جس میں پاکستان کی نئی آنے والی حکومت سے مکمل تعاون اور حمایت کا یقین دلایا ہے۔

Comments

comments

یہ بھی پڑھیں