The news is by your side.

Advertisement

پاکستان سے مضبوط ملٹری تعلقات کی ضرورت ہے، امریکی جنرل

واشنگٹن: امریکی چیف آف اسٹاف جنرل مارک ملی کا کہنا ہے کہ امریکا کو پاکستان سے مضبوط فوجی تعلقات برقرر رکھنے کی ضرورت ہے۔

تفصیلات کے مطابق سینیٹ کی آرمڈ سروسز کمیٹی میں جنرل مارک ملی نے کہا کہ امریکا نے سیکیورٹی اسسٹنس، دفاعی مذاکرات معطل کر رکھے ہیں، مشترکہ مفادات پرمبنی فوجی تعلقات رکھنے کی ضرورت ہے۔

امریکی جنرل نے کہا کہ افغانستان سے امریکی فوج کا فوری انخلا اسٹریٹجک غلطی ہوگی۔ انہوں نے کہا کہ طالبان سےامن مذاکرات میں پیشرفت ہوئی ہے۔

امریکی چیف آف اسٹاف جنرل مارک ملی نے کہا کہ امریکا کو پاکستان سے مضبوط فوجی تعلقات برقرر رکھنے کی ضرورت ہے۔

خیال رہے کہ امریکی جنرل کا یہ بیان ایک ایسے وقت میں سامنے آیا ہے جب وزیراعظم عمران خان چند دنوں بعد امریکا کا دورہ کرنے والے ہیں جو پاکستان اور امریکا کے تعلقات میں انتہائی اہمیت کا حامل ہے۔

امریکی جنرل مارک ملی کو صدر ڈونلڈ ٹرمپ نے جوائنٹ چیفس آف اسٹاف کی سربراہی کے لیے نامزد کررکھا ہے۔

واضح رہے کہ چیف آف آرمی اسٹاف جنرل ملی افغانستان، عراق، صومالیہ اور کولمبیا میں خدمات انجام دے چکے ہیں۔ جنرل ملی افغانستان میں امریکی فورسز کے کمانڈگ جنرل، انٹرنیشنل سیکیورٹی اسسٹنس فورس جوائنٹ کمانڈ اور ڈپٹی کمانڈنگ جنرل کے طور بھی فرائض انجام دے چکے ہیں۔

Comments

comments

یہ بھی پڑھیں