واشنگٹن: امریکا نے فلسطین کی امداد روکنے کا اعلان کرتے ہوئے کہا ہے کہ فلسطین کی 65 ملین ڈالر کی امداد روکی جارہی ہے۔
تفصیلات کے مطابق امریکا نے فلسطین کی امداد روکنے کا اعلان کردیا۔
ترجمان امریکی محکمہ خارجہ کے مطابق فلسطین کی 65 ملین ڈالر کی امداد روکی جارہی ہے۔ اقوام متحدہ کی ایجنسی کو فلسطین کے لیے صرف 60 ملین ڈالر دیں گے۔
ترجمان کا کہنا تھا کہ امریکا فلسطین کو اپنے حصے سے زیادہ امداد دے رہا ہے۔ دیگر ممالک کو امداد میں اضافہ کرناچاہیئے۔
یاد رہے کہ ٹرمپ انتظامیہ نے 2 ہفتے قبل فلسطین کی امداد میں کٹوتی کی دھمکی دی تھی۔ اقوام متحدہ کے سیکریٹری جنرل کا کہنا ہے کہ فلسطینی امداد روکے جانے کے امکان پر بہت فکر مند ہوں۔
فلسطین نے بھی امریکا کے امداد روکے جانے کے اقدام کی شدید مذمت کی۔ فلسطین کا کہنا تھا کہ امریکا فلسطینیوں کے حقوق کو ختم کرنا چاہتا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
