تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

امریکا: برفانی طوفان نے تباہی مچادی، خاتون سمیت 3 افراد ہلاک، نظام زندگی درہم برہم

واشنگٹن: امریکا میں برفانی طوفان نے تباہی مچادی، مختلف حادثات میں خاتون سمیت تین افراد ہلاک جبکہ نظام زندگی درہم برہم ہوگیا۔

تفصیلات کے مطابق امریکا کی کئی ریاستوں میں برفانی طوفان نے شہریوں کی زندگی اجیرن بنا دی، جس کے باعث متعدد پروازیں بھی منسوخ ہوچکی ہیں۔

امریکی میڈیا کا کہنا ہے کہ نیو میکسیکو سمیت کئی ریاستیں شدید برفانی طوفان کی لپیٹ میں ہیں، چھ سے دس انچ ہونے والی برفباری کے باعث زمینی اور ہوائی ٹرانسپورٹ کا نظام معطل ہو کر رہ گیا۔

تین سو سے زائد پر وازیں منسوخ، سات ہزار سے زائد تاخیر کا شکار ہیں، اور ہزاروں افراد مختلف ائیرپو رٹ پر پھنسے ہوئے ہیں، جن کو سہولیات فراہم کرنے کے لیے بھرپور اقدامات کیے جارہے ہیں۔

امریکا میں طوفانی بارشیں، برطانیہ میں بھی سیلابی صورت حال، ایک شخص ہلاک

کینساس، نیبراسکا، شمالی ڈکوٹا، جنوبی ڈکوٹا، منی سوٹا کے مشرقی و مغربی حصوں میں برفباری کا سلسلہ وقفے وقفے سے جاری ہے۔

امریکی میڈیا کے مطابق بارشوں اور برفباری کے باعث شدید سردی کی لہر ہر طرف پھیلی ہوئی ہے، مقامی انتظامیہ کی جانب سے شہریوں کو کار اور موٹر سائیکل چلانے سے گریز اور بلا ضرورت گھروں سے نہ نکلنے کی ہدایات کی گئی ہیں۔

خیال رہے کہ 2017 بھی امریکا کے لیے قدرتی آفات کے حوالے سے بدترین ثابت ہوا تھا، یکے بعد دیگرے 4 طوفانوں نے امریکی ریاستوں کو تباہی سے دو چار کیا جبکہ درجنوں ہلاکتیں بھی ہوئی تھیں۔

Comments

- Advertisement -