The news is by your side.

Advertisement

امریکا کی بھارت کو 366ملین ڈالر کے جنگی طیارے دینے کی منظوری

واشنگٹن : بھارت جنگی جنون میں تمام حدیں پار کرنے لگا، اسرائیل کے بعد امریکا سے بھی اسلحہ کا معاہدہ کرلیا، امریکا بھارت کو تین سو چھیاسٹھ ملین ڈالر کے جنگی طیارے دے گا۔

پینٹاگون کے مطابق امریکا نے بھارت کو تین سو چھیاسٹھ ملین ڈالر کے جنگی طیارے دینے کی منظوری دے دی، اسلحے کی خریداری پر امریکی صدر نے مودی کا شکریہ ادا کیا۔

گزشتہ ہفتے ٹرمپ انتظامیہ نے بھارت کو دو بلین ڈالر کے جاسوسی ڈرون فروخت کرنے کی اجازت دے دی ہے، جسے امریکی کانگریس سے منظور کرانا ہوگا۔

آئندہ ماہ بھارت ،امریکا اور جاپان کی بحری افواج بحر ہند میں مشترکہ فوجی مشقیں کریں گی۔

اس سے قبل وائٹ ہاؤس میں بھارتی وزیراعظم سے ملاقات کے بعد امریکی صدر ٹرمپ نے بھارت کو امریکا کا سچا دوست قرار دیتے ہوئے کہا کہ امریکا اور بھارت کے درمیان اس وقت بہترین تعلقات ہیں، امریکی اور بھارتی افواج دہشتگردی کے خلاف مل کرکام کررہی ہیں۔

بھارتی وزیراعظم نریندر مودی نے کہا کہ ان کے اور ٹرمپ کے وژن میں کوئی فرق نہیں، دونوں ممالک امن کے خواہ ہیں، امریکی اور بھارتی معاشروں کو دہشت گردی سے بچانا انکی اور صدرٹرمپ کی ترجیح ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email

Comments

comments

یہ بھی پڑھیں