The news is by your side.

Advertisement

امریکا کی ایف اے ٹی ایف کے حوالے سے پاکستان کے اقدامات کی تعریف

واشنگٹن : امریکا نے ایف اے ٹی ایف کے حوالے سے پاکستان کے اقدامات کی تعریف کرتے ہوئے کہا پاکستان نے فیٹف کی 27 میں سے 26 شرائط پوری کیں، باقی رہ جانے والے معاملات کو احسن طریقے سے پورا کرے ۔

تفصیلات کے مطابق امریکی محکمہ خارجہ کے ترجمان نیڈ پرائیس نے واشنگٹن میں پریس کانفرنس کرتے ہوئے کہا فیٹف کے اطمینان کیلئے پاکستان نےقابل قدر اقدامات کئے، فیٹف شرائط پوری کرنے کی پاکستان کی جاری کوششوں سے آگاہ ہیں۔

نیڈ پرائیس کا کہنا تھا کہ فیٹف میں پاکستان کے اقدامات کی حمایت کرتے ہیں، پاکستان نے پہلے ایکشن پلان میں معنی خیز پیش رفت کی اور فیٹف کی ستائس میں سے چھبیس شرائط پوری کیں۔

ترجمان امریکی محکمہ خارجہ نے مزید کہا کہ فٹیف اورعالمی برادری کےساتھ کام کرنے پر اور فٹیف کی باقی شرائط مکمل کرنے کیلئے پاکستان کی حوصلہ افزائی کرتے ہیں جبکہ دہشتگردی کے لیے رقم، تحقیقات اور استغاثہ، اور اقوام متحدہ کے نامزد کردہ گروپوں کےسینئررہنما اورکمانڈر کے حوالے سے دوسرے ایکشن پلان پر عملدرآمد کے لیے بھی ہم پاکستان کی حوصلہ افزائی کرتے ہیں ، پاکستان باقی رہ جانےوالےمعاملات کو احسن طریقے سے پوراکرے۔

ان کا کہنا تھا کہ افغانستان کے پڑوسیوں کو کردار ادا کرنا ہوگا ، میں یہ بتانا چاہوں گا کہ افغان امن عمل کے لیے ٹھوس حمایت ضروری ہے، پاکستان اور افغانستان کی دیرپا تعلقات کے لیے بھی یہ ضروری ہے ہم یقیناً یہ امید کرتے ہیں کہ دیرپا حل کے لیے افغانستان کے پڑوسی تعمیری اورذمہ دارانہ کردار ادا کریں گے ہم جانتے ہیں کہ پاکستان اس سلسلے میں اہم کردارادا کرنے کے لئے تیار ہیں۔

Comments

یہ بھی پڑھیں