واشنگٹن : امریکی معاون وزیر خارجہ برائے جنوبی ایشیا بیورو ایلس ویلز نے کہا مقبوضہ کشمیر سے متعلق وزیر اعظم عمران خان کا واضح اور اہم بیان قابل تعریف ہے اور تمام دہشت گرد گروہوں کیخلاف کاروائی کا مستقل عزم قابل ستائش ہے۔
تفصیلات کے مطابق امریکا نے مقبوضہ کشمیر سے متعلق وزیر اعظم عمران خان کےبیان کا خیر مقدم کیا،امریکی معاون وزیر خارجہ برائے جنوبی ایشیا بیورو ایلس ویلز نے سماجی رابطے کی ویب سائٹ ٹوئٹر پر کہا مقبوضہ کشمیر سے متعلق وزیر اعظم عمران خان کا واضح اور اہم بیان قابل تعریف ہے۔
ایلس ویلز نے،خطےمیں استحکام برقراررکھنےکےلئے پاکستان کےعزم کو سراہتے ہوئے کہا پاکستان کا تمام دہشت گرد گروہوں کیخلاف کاروائی کا مستقل عزم قابل ستائش ہے۔
Applaud PM @ImranKhanPTI’s unambiguous & important statement that militants from Pakistan who would carry out violence in Kashmir are enemies of both Kashmiris & Pakistan.We agree. Pakistan’s sustained commitment to counter all terrorist groups is critical to reg. stability. AGW
— State_SCA (@State_SCA) September 19, 2019
خیال رہے چند روز قبل وزیراعظم عمران خان نے اپنے بیان میں کہا تھا کہ کوئی بھی مقبوضہ کشمیر جاکر کارروائیاں نہ کرے، ایسا کرنے والا پاکستان اور کشمیر دونوں کا دشمن کہلائے گا۔
ان کا کہنا تھا کہ پیر امریکی صدر ٹرمپ سے ملاقات ہوگی ، افغان امن مذاکرات معطل ہونے کا زیادہ نقصان پاکستان کو ہوا ہے، افغان امن مذاکرات کی بحالی کیلئے پورا زور لگائیں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں