طرابلس: امریکا کی لیبیا میں داعش کے خلاف فضائی کارروائی -
The news is by your side.

Advertisement

طرابلس: امریکا کی لیبیا میں داعش کے خلاف فضائی کارروائی

طرابلس: امریکا نے دولت اسلامیہ کے خلاف لیبیا کی سیکیورٹی فورسز کو مدد فراہم کرنے لیے پہلی بار لیبیا میں فضائی حملوں کا آغاز کردیا.

تفصیلات کے مطابق امریکا نے لیبیا میں پہلی بار فضائی حملوں کا آغاز کردیا جس میں لیبیا کے شہر سرت میں داعش کے ٹھکانوں کو نشانہ بنایا گیا،امریکی دفاعی ادارے پینٹاگون کے مطابق فضائی حملوں کا آغاز لیبیا حکومت کی درخواست پر کیا گیا جس میں لیبیا کے شہر سیرت میں داعش کے مظبوط گڑھ کو نشانا بنایا گیا.

پینٹاگون کاکہناہے کہ فضائی حملوں کا مقصد لیبیا کی سیکیورٹی فورسز کو داعش کے خلاف لڑنے میں مدد فراہم کرنا ہے جس کے لیے حملے آئندہ بھی جاری رہیں گے.

دوسری جانب لیبیا کے وزیراعظم فیاض السراج نے قوم سے خطاب میں کہا کہ شدت پسند تنظیم داعش سے لڑنے کے لیے بالخصوص امریکا سمیت بین الاقوامی برادری سے مدد کی درخواست کی تھی اور اسی غرض سے امریکی حملے میں داعش کو کافی نقصان کا سامنا کرنا پڑا ہے.

یاد رہے کہ داعش کے خلاف امریکا اپنے اتحادی مغربی اور عرب ممالک کے ساتھ مل کر پہلے ہی شام اور دیگر عرب ممالک میں فضائی کارروائیاں جاری رکھے ہوئے ہے جس میں اب تک متعدد شدت پسندوں سمیت ہزاروں عام شہری بھی مارے جاچکے ہیں.

Comments

comments

یہ بھی پڑھیں