The news is by your side.

Advertisement

امریکہ کی وزیراعظم شاہد خاقان عباسی کوعہدہ سنبھالنے پرمبارکباد

واشنگٹن : امریکہ کی جانب سے نومنتخب وزیراعظم شاہد خاقان عباسی کو عہدہ سنبھالنے پر مبارکباد پیش کی گئی ہے۔

تفصیلات کے مطابق واشنگٹن میں میڈیا بریفنگ کے دوران ترجمان امریکی محکمہ خارجہ ہیتھر نوارٹ نے وزیراعظم شاہد خاقان عباسی کو وزارت عظمیٰ کا عہدہ سنبھالنے کی مبارکباد دی۔

ترجمان امریکی محکمہ خارجہ نے میڈیا بریفنگ کےدوران کہا کہ پاکستان کے نئے وزیراعظم شاہد خاقان عباسی کے ساتھ باہمی مفادات کے معاملات پر مل کر چلیں گے۔

امریکی محکمہ خارجہ کی ترجمان کا کہنا تھا کہ امریکہ کے پاکستان کے ساتھ عوامی سطح پرمضبوط تعلقات ہیں تاہم آئندہ مستقبل میں بھی پاکستانی حکومت کے ساتھ مل کر کام کریں گے۔


پاناما کیس: وزیراعظم نوازشریف نا اہل قرار


یاد رہے کہ سپریم کورٹ کے فیصلے کی روشنی میں نواز شریف کے سبکدوش ہونے کے بعد وفاقی کابینہ بھی تحلیل ہوگئی تھی۔

نواز شریف کی نااہلی کے بعد حکمراں جماعت مسلم لیگ ن کی طرف سے شاہد خاقان عباسی کو وزیر اعظم کے طور پر نامزد کیا گیا تھا۔


تمام ادارے ایک کشتی کے سوار ہیں،کشتی ڈوب جائے توسب کا نقصان ہے،شاہد خاقان عباسی


واضح رہے کہ شاہد خاقان عباسی قومی اسمبلی میں ہونے والے انتخاب میں 221 ووٹ حاصل کرکے وزیر اعظم منتخب ہوئے تھے اور اسی روز انہوں نے وزارت عظمیٰ کا حلف اٹھایا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں