The news is by your side.

Advertisement

دوران پرواز 15 سالہ لڑکی سے زیادتی، امریکی تاجر پر فرد جرم عائد

واشنگٹن: جہاز اُڑانے کی تربیت دینے کے دوران 15 سالہ لڑکی کو زیادتی کا نشانہ بنانے والے امریکی تاجر پر فرد جرم عائد کردی گئی۔

غیرملکی خبررساں ادارے کے مطابق امریکی ارب پتی 53 سالہ تاجر اسٹیفن بریڈلی پر 15 سالہ لڑکی کو زیادتی کا نشانہ بنانے پر فرد جرم عائد کردی گئی ہے اور اس جرم پر انہیں 5 سال قید کی سزا ہوسکتی ہے۔

اسٹیفن بریڈلی کو اس مقدمے کے علاوہ گزشتہ برس جولائی میں بھی بچوں سے زیادتی کے مقدمے کا سامنا تھا، ارب پتی اسٹیفن بریڈلی ایئرلائن لائف کے بھی مالک ہیں جو مریض بچوں کو امریکا کے اسپتالوں میں منتقلی کے لیے مفت سہولت فراہم کرتا ہے۔

مزید پڑھیں: بھارتی پادری کو امریکی لڑکی سے جنسی زیادتی کا الزام ثابت ہونے پر چھ سال قید

اسٹیفن بریڈلی کے وکلاء نے عدالت میں موقف اختیار کیا کہ ان کے موکل 2012 میں دوستوں کے ساتھ طے شدہ دورے سے آخری لمحے میں علیحدہ ہوگئے تھے جبکہ ان کے دوست اسی طیارہ حادثے میں مر گئے تھے جس کے باعث وہ دماغی بیماری میں مبتلا ہیں۔

واضح رہے کہ گزشتہ برس دسمبر میں ماں نے اپنی بیٹی کو طیارہ اُڑانے کی تربیت دینے کے لیے اسٹیفن بریڈلی کے پاس بھیجا تھا تاہم دوران پرواز طیارے کو آٹو پر کرکے ارب پتی تاجر نے 15 سالہ لڑکی کو زیادتی کا نشانہ بنا ڈالا تھا۔

Comments

comments

یہ بھی پڑھیں