گلگت بلتستان: خراب موسم کے باعث 2 امریکی کوہ پیما لاپتہ -
The news is by your side.

Advertisement

گلگت بلتستان: خراب موسم کے باعث 2 امریکی کوہ پیما لاپتہ

اسلام آباد: گلگت بلتستان میں ایک غیر معروف پہاڑ کی چوٹی سر کرنے کے لیے جانے والے 2 امریکی کوہ پیما لاپتہ ہوگئے۔ حکام کے مطابق خراب موسم کے باعث ریسکیو آپریشن میں مشکلات کا سامنا ہے۔

امریکی کوہ پیما کیلے ڈمپسٹر اور اسکاٹ ایڈمسن گلگت بلتستان میں چکتوئی گلیشیئرز کی 7 ہزار 285 میٹر چوٹی اوگر دوئم سر کرنے کے لیے اتوار کو نکلے تھے۔

mount-3

ان کے ریسکیو کے لیے قائم کی جانے والی ویب سائٹ کے مطابق دونوں کوہ پیماؤں کا پروگرام 5 دن کا تھا جس کے بعد انہیں واپس آنا تھا لیکن پیر کے دن ان کے پاکستان باورچی عبدالغفور نے ان کے سر پر لگائے جانے والے لیمپ دیکھے۔ یہ لیمپ چوٹی کی طرف جانے والے راستے میں پڑے ہوئے تھے۔

حکام کے مطابق علاقہ کا موسم ٹھیک تھا لیکن منگل سے اچانک طوفان اور برفباری شروع ہوگئی۔ ان کا کہنا ہے کہ اس خراب موسم میں ہیلی کاپٹر نہیں بلائے جاسکتے۔ موسم کے باعث ریسکیو کا عمل تعطل کا شکار ہے اور جیسے ہی موسم بہتر ہوگا دوبارہ ان کی تلاش شروع کردی جائے گی۔

شمالی علاقوں میں گلیشیئرز کے پگھلنے کی رفتار میں اضافہ *

حکومت کا گلیشیئرز کا ڈیٹا حاصل کرنے کے لیے اہم اقدام *

اس سے قبل 3 کوہ پیماؤں کی ٹیم انہیں ڈھونڈنے کے لیے روانہ کی گئی لیکن خراب موسم کے باعث وہ زیادہ بلندی تک نہیں جاسکے۔ کوہ پیماؤں کی تلاش کے لیے آرمی سے بھی رابطہ کیا جاچکا ہے۔

mount-1

واضح رہے کہ پاکستان کے شمالی علاقہ جات کوہ پیماؤں کے لیے ایک پرکشش مقام ہیں جہاں دنیا کی دوسری بلند ترین چوٹی کے 2 اور دیگر بے شمار چوٹیاں کوہ پیماؤں کو اپنی طرف کھینچتی ہیں۔

Comments

comments

یہ بھی پڑھیں