site
stats
امریکا

ٹرمپ انتظامیہ پاکستان کا نام واچ لسٹ میں ڈالنے کے لیے سرگرم

Donald Trump

واشنگٹن: ٹرمپ انتظامیہ پاکستان کا نام دہشت گردوں کی مالی معاونت کرنے والے ممالک کی واچ لسٹ میں ڈالنے کے لیے سرگرم ہوگئی۔ پاکستان کا نام واچ لسٹ میں شامل کرنے کا فیصلہ آئندہ ہفتے عالمی نگراں ادارے کے اجلاس میں ہوگا۔

تفصیلات کے مطابق پاکستان کی 2 ارب ڈالرز کی امداد معطل کرنے کے بعد ٹرمپ انتظامیہ پاکستان کا نام دہشت گردوں کو مالی معاونت کرنے والے ملکوں کی واچ لسٹ میں شامل کروانے کے لیے سرگرم ہوگئی۔

آئندہ ہفتے فنانشل ایکشن ٹاسک فورس کے اجلاس میں پاکستان کے خلاف تحریک پیش کی جائے گی جس میں پاکستان کو واچ لسٹ میں شامل کرنے کا مطالبہ کیا جائے گا۔

غیر ملکی خبر رساں ایجنسی کے مطابق مشیر خزانہ مفتاح اسماعیل کا کہنا ہے کہ یہ تحریک امریکا اور برطانیہ نے کئی ہفتے قبل پیش کی تھی، پھر فرانس اور جرمنی کو اس معاملے پر ساتھ دینے کے لیے رضامند کیا۔

مفتاح اسماعیل کا کہنا ہے کہ عالمی واچ لسٹ میں نامزدگی رکوانے کے لیے امریکا، برطانیہ، فرانس اور جرمنی سے رابطے میں ہیں۔ توقع ہے پاکستان کو واچ لسٹ میں نہیں ڈالا جائے گا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top