The news is by your side.

Advertisement

رافیل نڈال نے چوتھی بار یو ایس اوپن کا ٹائٹل اپنے نام کرلیا

نیویارک: اسپین کے رافیل نڈال نے چوتھی بار یو ایس اوپن کا ٹائٹل اپنے نام کرلیا، اسپین کے نڈال نے فائنل میں روس کے ڈینیئل میڈویڈیو کو شکست دی۔

تفصیلات کے مطابق اسپین کے رافیل نڈال نے یو ایس اوپن ٹینس ٹورنامنٹ کے فائنل میں روس کے ڈینیئل کو شکست دے کر انیسواں گرینڈ سلم ٹائٹل اپنے نام کرلیا، فائنل مقابلہ چار گھنٹے 50 منٹ تک جاری رہا۔

اسپینش کھلاڑی نے 3-2 سے کامیابی حاصل کی، ایک اور گرینڈ سلم ٹائٹل جیتنے کے بعد رافیل نڈال روجر فیڈرر کے مزید قریب آگئے، فیڈرر سب سے زیادہ بیس گرینڈ سلیم جیت کر سب سے اوپر ہیں۔

نڈال 19 گرینڈ سلم جیت کر دوسرے نمبر پر ہیں، نڈال اپنی فتوحات کی ویڈیو دیکھ کر آبدیدہ ہوگئے۔

نیویارک میں روسی کھلاڑی نے نڈال کا جم کر مقابلہ کیا، پہلے دو سیٹ میں شکست کے بعد ڈینیئل میڈویڈیو نے اگلے دو سیٹ میں نڈال کو زیرکیا۔

چار گھنٹے 50 منت تک جاری رہنے والے فائنل کے پانچویں سیٹ میں اسپینش کھلاڑی نے حریف کو ناک آؤٹ کرکے ٹائٹل اپنے نام کیا۔

واضح رہے کہ نڈال نے چوتھی بار یو ایس اوپن کا ٹائٹل جیتا ہے اس سے قبل 2010، 2013 اور 2017 میں بھی نڈال ٹائٹل جیت چکے ہیں۔

یاد رہے کہ گزشتہ روز یو ایس اوپن ویمنز سنگلز فائنل میں کینیڈا کی 19 سالہ بیانکا نے امریکی کھلاڑی سرینا ولیمز کو شکست دے کر ٹائٹل اپنے نام کیا تھا۔

Comments

comments

یہ بھی پڑھیں