The news is by your side.

Advertisement

امریکا نے 51 ممالک سے طبی آلات منگوا لیے

واشنگٹن: امریکی نائب صدر مائیک پنس نے کہا ہے کہ کرونا وائرس سے بچاؤ اور روک تھام کے لیے 51 ممالک سے طبی آلات منگوا لیے گئے ہیں۔

تفصیلات کے مطابق امریکی نائب صدر مائیک پنس کرونا ٹاسک فورس کی پریس کانفرنس سے خطاب کر رہے تھے، انھوں نے بتایا کہ ہم 51 ممالک سے طبی آلات منگوا رہے ہیں، پورے ملک میں وینٹی لیٹرز کی کمی کو پورا کیا جا رہا ہے۔

مائیک پنس نے کہا امریکیوں سے درخواست ہے ہمیں 30 روز اور دیں، ہم لوگوں نے ہمت نہیں ہارنی، تمام امریکی صدارتی گائیڈ لائنز پر عمل درآمد کریں، امریکا میں اب تک1.1 ملین کرونا ٹیسٹ ہو چکے ہیں، نجی لیبارٹری نے 15 منٹ میں کرونا ٹیسٹ کرنے والی مشین بنائی ہے۔ انھوں نے طبی آلات کی ترسیل کے لیے نیشنل گارڈز کے استعمال کا عندیہ بھی دیا۔

آئندہ 2 ہفتے امریکا کے لیے بہت دردناک ہوں گے: ٹرمپ

پریس کانفرنس سے ٹاسک فورس کے رکن ڈاکٹر برکس نے خطاب میں کہا کہ احتیاط کے علاوہ کرونا سے اس وقت بچاؤ کا کوئی طریقہ نہیں، ہاتھوں کو بار بار دھوئیں، منہ پر نہ لگائیں، 30 روز تک گھر سے باہر نہ نکلیں۔

ڈائریکٹر نیشنل الرجی سینٹر نے کہا کہ ہم کرونا وائرس کی ویکسین بنانے کی کوشش کر رہے ہیں، ڈاکٹر انتھونی فاؤچی نے کہا کہ اگر حالات کنٹرول نہ کیے گئے تو امریکا میں وائرس سے 2 لاکھ افراد تک ہلاک ہو سکتے ہیں، تاہم امید ہے کہ اس تعداد کو کم کرنے میں ہم کامیاب ہو جائیں گے، اس بات سے کسی کو اختلاف نہیں کہ ہم بد ترین وقت سے گزر رہے ہیں۔

پریس کانفرس سے ایک اور رکن ڈاکٹر ڈیبورا نے کہا کہ امریکا میں آیندہ چند ہفتوں میں اموات کی تعداد بڑھ سکتی ہے، ہمیں بڑی تعداد میں اموات کے لیے تیار رہنا ہوگا۔

Comments

یہ بھی پڑھیں